Popular Bible Verses from LUKA 10

Share

Ngai teh u, rûl te, khawmualkaikuang te, hmêlmapa chakna zawng zawngte rah beh theihna thu ka pêk che u hi, eng mahin a tina hauh lo vang che u.

Lalpa chuan a chhâng a, “Marthi, Marthi, ngaihtuah i ngah a, i buai hle tak e; mahse, thil ṭûl tak pakhat a awm. Mari chuan chan ṭha a thlang a, chhuhsak tûr a ni lo ve,” a ti a.

Ani chuan, “ ‘Lalpa i Pathian chu i thinlung zawng zawngin, i nunna zawng zawngin, i chakna zawng zawngin, i rilru zawng zawngin i hmangaih tûr a ni; nangmah i inhmangaih angin i vêngte pawh i hmangaih tûr a ni,’ tih hi,” a ti a.

An hnênah, “Buh seng tûr a tam tehlul nên, thawktu lah an tlêm si. Chutichuan, a buh seng tûra mi tîr tûrin buh Neitupa dîl rawh u.

“Aw le, chûng mi pathum zînga tu ber chu nge suamhmang tâwktu vêngte nia i rin?” a ti a. Ani chuan, “A khawngaihtu chu,” a ti a. Isuan, “Nang pawh chutiang bawk chuan va ti ve rawh,” a ti a.

“Kal ta ula, chinghne zînga berâmno lût angin ka tirh che u hi.