Popular Bible Verses from MAAK 13

Share

amanche mee vakhae ing nenuw i kakhaena ibatir vaatae. Changvakonchu achuw yngkheh ing amachu achiniipha ing khaangcheh nave ikarpeeh phavaata.”

riimjaehruw, hahjaehruw amanche thamsaruw; akhaechuve nenuw ing aphachu utaraen vaate ichii manghuw mahchuw.

Enuw ing nenuwchu ynsuwr ae raenche ynchii riirva kente tanuwna maensa ing jamahruw; apha ichiinache neningna ympeehchu riirruw; amachu nenuw ing ichongmah vachuw, laetha ynthiing inche ichongva.

Thangbaen vokhehkho laaruw paam i maangvaata changvakonchu kachongsae chaap chuve utaraenkho maangmahnii.”

“Changvakonchu aanii vokhehkho aphachu ampa mahnaka, thangbaen vaarmee aengkho, Mee Sapa rap ingkho amanche achuw ingkho manghuwmah.

Nenuw ing laar yntuk vokhehkho laarsa chong nensii raenche nening mandong mahruw; changchiichu suwhvaata, changvakonchu apha achinii chumahnii.

Chukhaenache een aafhuw ing khuri nava, jaenchim nava, aar akhuwng phanava, changmahka jiingna tungvachiiva ichii nenuw ing nemanghuwmah vakhaka hahjaehruw- manghuw mangharu ing nenjaarthir ama ithengkho arusa. Ki ing neningna kariir i mee vakhae ningnakho kariirniiva, hahjaehruw.”

Jaati yngkheh ing jaati yngkheh taklina, vokhehkho lipah yngkheh ing lipah yngkheh taklina laar tukvaata; reentaang reen-taang paamna linglaang thengvaata, vokhehkho venchaam chiilaar suwhvaata; changvakonchu havi ae i ijachaam abasenniipeh vaata.

Changvakonchu jaati aangkhengna isa chong thamin maensa ing aphachirnii ing yntong vaata.

Ki Jesu ping ta ae naka mee aanem karumingna thengvaatae, vokhehkho ichummah lamting mee aanem ruwvaatae.

Changvakonchu nenuw hahjaehruw; enuw ing nenuwchu upa ae kikting ipivaatae; amanche kaeshum sungna ibin vaatae; vokhekho nenuw ing eningna kakhaena saarkhii ipeehnii khaenache lipah aapuh ae amanche iruwng ae maekungna ngiirva nenta.

Ichummah Khrista vokhehkho ichummah jaephar ae hungsuwh ae naka laetho vokhehkho ingiknii nong aajaeh man-dang ae naka, Thangnang ing aateer vasahrap ae chukho ichummah ting ruwkenta tavaatae.

“Changvakonchu ama ijachaam aanuwnache, inii ing manthimpoh vaata vokhehkho tha ing vaarmahnii, amanche aesii ing thangbaen tanii jungbuk vaata, vokhehkho thangbaen ruwreng aangkheng ynnuhchir vaata.