Popular Bible Verses from JOHON 16

Share

Nenuw ing kaning nache idaechu nenphanii inche, ki ing havi kariirva. Laaruw paamne ijachaam phava nenta; changvakonchu nenthir mansakruw, ki ing laaruw paam kachehpa!”

Thangnang chu yndangnii khaena ynthiing laetha ing ajuwnglaenche nenuw vakhaechu ichum tingche iruwvaata. Ama ataksah aatuaricheh inche chongmahnii, changvakonchu ama ing asii chaap vakhae vokhehkho nuwting hungsuwh vachii khaenache riirvaata.

Ataniipha ing karumingna heniih-mah richuw; niihruw phava nenta, amana chembe nenrotha rohniichu achiniikak ing omvaata.

Chang-vakonchu neningna kariirnah: ki yngkae ingi nengkhaena isapkva, akhaechuve ki yngkaemah ningve Eebomchu thengmahnii. Atiive ki yngkaeva kachii vakhaka atakchu nengkhaena jenchiir vakata. Ama ing ajunwglaenche laaruw paam mee aeng isii tingche embuknii, amanche ichumchu ynchii khava ichiire Thangnang vajeer khaenache mandang vaata.

Havi vaange neningna ijanii thengna, changvakonchu aasenru ing nentaklina rotha rohniichu thengnaka nenbarungriir sungna isip ing omvaata, ama rotharoh chuve achuw ingkho nening tanii richeh mahnii. “Aaniichu ahungviraenche kaningna yntanga isiimah tanuw. Neningna atatak ing kariirnah: Karuming nache nenuw ing kapa ningna neniih chaap vakhae ipivaata.

Ki ing neningna atatak ing kariirnah: Nenuw ichap ichuw phava nenta vokhehkho nenbarungriir javaata, changvakonchu ijachuwchu rotharoh ting yntehvaata.