Popular Bible Verses from Markus 12

Share

Yesus situn noan, “Prenta man in muun dui ne Ama Lamtua Buk Niu ka ka, lin na elia: ‘Totoang atuil in se Israel me! Hii-ming babanan ne! Ama Lamtua Allah nam mo, meman kit Lamtuan, nol Un nam mo kit Tuang! Muik didang pait lo, suma Un sii! Tiata mi musti namnau Una, dui hihidi deng totoang. Mi musti nangan net Un tutungus, taan Una, nol daek mumuun le muid Un in koma ka.’ Nol prenta mesan na pait, elia: ‘Ku musti namnau atuil didang, banansila el ku in namnau ku apam ma esa ka.’ Prenta dua nias man muun dui. Muik prenta didang pait man muun dui deng prenta dua nias lo.”

Kon Yesus laeh Un ima-ii las, le tekas noan, “Mi ngat babanan bebalung kasiang nia. Un tamang duit seng dua siis, mo un in bele ka mamo dui deng atuli las totoang. Ta atuil las tamang duit kolete deng oen duit lisin nas. Mo bebalu kasiang nia lam, un bel nuli un duit tas totoang son, bel Ama Lamtua Allah.”

Hidi na kon, Yesus lako daad saol kaban derma in se Ama Lamtua Allah Um in Kohe-kanas Tene ka ka. Un ngat atuli las maas tamang duit kolete laok se kaban na. Un net atuil in muki ngas kon maas tamang duit mamo-mamo se na. Mo muik bihaat bebalu kasiang mes kon maa muid le kohe-kanas. Un tamang duit seng dua se kaban na. Duit na osa ka ana dui.

Kit musti namnau Un dui hihidi deng totoang. Hidim kit musti nangan net Un tutungus, taan Una, nol daek mumuun le muid Un in koma ka. Nol kit kon musti namnau atuil didang, banansila el kit namnau kit apan ni esa ka. Eta kit tao ela lam, Ama Lamtua Allah dalen kolo dui deng, in suma tao muid atorang agama lias tuun na. Nol in tao ela ka kon, banan dui deng eta kit suma tuun hmukit in tunu-dadung bel Una, tamlom bel Un sa-saa didang nga.”

Kon Yesus tekas noan, “Etan ela lam, mi laok bel pamarenta la asa man pamarenta nena. Mo bel Ama Lamtua Allah asa man Ama Lamtua Allah nena.” Ming Un siut ela kon, oen totoang hera-herang, lole Un in situ na tom isi. Tiata oen kiu nahu nal Un lo.