Popular Bible Verses from Yuhanis 12

Share

Atuil in tade le lii-lau Au ka, musti muid Auk tutungus. Na ka, eta Auk se olang ngam, un kon musti se la. Ta eta muik atuli in lii-lau Au kam, mam Auk Amang in ne sorga ku kon, todan una.”

Atuil in dai muid Ama Lamtua in koma ka lo, undeng un namnau naseke un in nuli, man se apan-kloma kia ka, mam in nuli na dudus-didaa. Mo atuil man tade, le sao soleng un in nuli se apan-kloma kia ka, mam un haup in nuil toma, man in hidi nutus taan lo ka.

Yesus tek oen noan, “Auk oras sa maa lius son. Tiata Auk mateng halas-sam Ama Lamtua Allah tade le nikit sakeng Auk ngala ngi lapa-lapa. Baktebes ela! Kit naleta nol biin in soko-hai mesa. Eta kit soko-hai biin ale beas mesa lam, un musti dudus se dale ka dalen le, halas-sam un nuli, le puting isin mamo. Ta etan ela lo kam, ael beas mes sii nabale.

Auk maang le daid banansila el langa se apan-kloma kia. Le halin atuil in parsai se Au ngas totoang nulis se mitang-mames dalen lo.

Eta muik atuli hii-ming Auk in Teka-teka nias, mo lako-daek mudis lo kam, Auk nutus un hukung nga lo. Ta Auk maang se apan-kloma kia le nutus atuli las hukung ngas lo, molam Auk in koma ka le, bel boa-blingin atuli li deng oen in kula-sala ngas.

Kon Maria kat mina bui bingis esa man osa isi, botor mesa. Le doan laok se Yesus iin nas. Hidim un nini klanga ka le maid Yesus iin nas. Tiata uma la dalen na bui bingis papmesa.

Kon oen lakos dait kai klehen muda le hehan laok se lalan na, halin daid tada noan, oen sodo-sium Yesus in maa ka banansila el Un nam atuil tene. Hidim oen kidu kleba-kleba le aa noan, “Hosana! Naka-naka Ama Lamtua Allah! Ta Ama Lamtua tulu Un dalen banan na bel Lahing Israel la, man maa nol kil Ama Lamtua ngala ka!”

Yesus tek oen noan, “Auk oras sa maa lius son. Tiata Auk mateng halas-sam Ama Lamtua Allah tade le nikit sakeng Auk ngala ngi lapa-lapa. Baktebes ela! Kit naleta nol biin in soko-hai mesa. Eta kit soko-hai biin ale beas mesa lam, un musti dudus se dale ka dalen le, halas-sam un nuli, le puting isin mamo. Ta etan ela lo kam, ael beas mes sii nabale.