Popular Bible Verses from Lukasi 3

Share

Vandu vosi pavabatishiwili kala, Yesu na mweni kabatishiwa. Padadaveyi, kumbindi kwa Chapanga kufuwuka. Na Mfuki Mng'alili kamsunukila kucha njiva. Pambeli lishu lipikanika kufuma kumbindi kwa Chapanga, “Yuwi mwana wangu yingutamili, mayiliwa na yuwi.”

Apa Yohani mbatisha kavawombela vosi, “Nenga nguvabatisha kwa machi, ila akwisa yaveli na liwovi pitu nenga, mweni nenga nguwesha ha hata kuwoposola ng'oyi sha mikobasi yaki, mweni davabatishi kwa Mfuki Mng'alili na kwa motu.

Mlangushi kwa golelu kucha mupomela, mukotoo kukanda kuyiwombela mwaveni kucha, ‘Ibulahimu ndi tati wetu.’ Nguvawombela nakaka, Chapanga akuwesha kuyigola migonguveli ayi yivi vana va Ibulahimu.

Livawu liva kala kudumula mikigha ya mibiki, ndamboyi kila libiki lingajila kuveleka fivelekwa fya nyanyi dalidumuliwi na kuliyasila mumotu.”

Afi ndi fivayandikiwili muchitabu cha Isaya yaveli mbuyi wa Chapanga. “Mundu yumu akukema kucheja. ‘Mumtandili deha Bambu, na muhololi deha yaki. Pa libosi mukulili, pa fidunda na midunda musengelemuli, njila sivelili na ngombu dasihololiwi. Deha sha wafu wafu dasigoleki nyanyi. Vandu vosi davamuwoni Chapanga akuvalowola vandu!’ ”