Popular Bible Verses from Kufita 9

Share

Amma ǹ jɔ̀ í wɛɛi ku ba ku yɛ gbugbãm nɔ inɛ ŋa a kpe irim si andunya fei.

Si anyiɛ Aɔ̃ Lafɛ̃ɛ í sɔ̃ Moizi í ni, koo bi Faraɔ̃ nɔ i sɔ̃ɔ i ni amu Aɔ̃ Lafɛ̃ɛ, Lafɛ̃ɛi inɛi Ebɛɛ ŋa ǹ ni ku jɔ̀ inɛm ŋa a nɛ a koo a tɔɔm.

Bii ǹ bi wo an yɔkɔ n dasiɛ bɔ̃ɔ, nŋu do inɛɛ ŋa, nɔ bii í wa wo, kaa wa si ilɛ má.

amu Aɔ̃ Lafɛ̃ɛ an jɔ̀ bɔ̃ɔ ku naa si mɛɛmu ku sɛ̃ nŋa ŋa iyi à wa inɔ iko. Iku nla nlai á naa si acĩ ŋa do si gbankɛlɛ ŋa, do si kpookpo ŋa, do si kɛtɛ ŋa, do si angudã do iwo ŋa. Amu Aɔ̃ Lafɛ̃ɛ an nya mɛɛmui inɛi Izirɛli ŋa ikãi, ti inɛi Ezibiti ŋa mɔ ikã. Iyi à jɛ ti inɛi Izirɛli ŋa, baa akã nŋa kaa ku.

ala zaka bɛ ihɛ̃ an jɔ̀ kutai ijĩ nla nla ŋa a maa cuku wa do gbugbã iyi a kù yɛ dimiɛ ajɔ kãma si ilɛi Ezibitiu hai waati iyi à jilɛ icui ilɛi Ezibiti hee ku baa nnyi. Na nŋu, mɛɛmuɛ ŋa do mii ndɛɛ ŋa iyi à wa iko fei, ku jɔ̀ a dasi ŋa tengi bii wahalau kaa ba ŋa. Amanɛ ŋa do mɛɛmu ŋa iyi à wa iko fei, bii a kù lɔ ile gɔ, kutai ijĩ ŋau aa kpa ŋa.

Ilúluu á ce ilùlù nɔ ku bii ilɛi Ezibitiu fei, nɔ ku jɔ̀ inɛ ŋa do mɛɛmu nŋa ŋa a ce ngoli si ilɛu fei. Ngoliu á lɛgɛ jujui si ara nŋa ŋa. Ŋɔi à koo à bu ilúluu, nɔ à koo à leekĩ si wajui Faraɔ̃. Nɔ Moizi í nikãɛ lele nɔ inɛ ŋa do mɛɛmu nŋa ŋa à ce ngoli. Nɔ ngoliu í lɛgɛ juju si ara nŋa.