Popular Bible Verses from Kufita 7

Share

Ŋɔi Aɔ̃ Lafɛ̃ɛ í sɔ̃ Moizi má í ni, cɔ an jɔ̀ ì jɛ bɛi Ilaaɔ̃ bi Faraɔ̃ nɔ Arɔ̃ɔ igbãɛ á jɛ walii woo fɔ ideɛ.

Do nŋu fei, an jɔ̀ idɔi Faraɔ̃ ku le. Baa do iyi an ce maamaake nla nkpɔ nkpɔ do nyinda ŋa si ilɛɛ kaa gbɔ ide nŋɛ. An jɔ̀ inɛi Ezibiti ŋa a mà gbugbãm na ijuukpã iyi an nyisi ŋa, ku ba n nya inɛi Izirɛli ŋa, aŋa iyi à jɛ inɛm ŋa, a fita hai si ilɛ nŋau tuuba tuuba bɛi sooge ŋa.

Inɛi Ezibiti ŋa aa mà iyi amui ǹ jɛ Aɔ̃ Lafɛ̃ɛ waati iyi an dasi ilɛ nŋa awɔ nɔ n jɔ̀ inɛi Izirɛli ŋa a fita hai si anini nŋa.

Amma Faraɔ̃ í kpe woo ce alisiɛ ŋa do ilu iwɔɛ ŋa, nɔ aŋa mɔ à ce dimi bɛɛbɛ do iwɔ ku ce dobu dobu nŋau. Aŋa fei à ta golo nŋa ŋa ilɛ nɔ golo ŋau à kpɔò njo. Amma goloi Arɔ̃ɔ í mi golo nŋa ŋau.

Na nŋu i ni, si ide iyi ihɛ̃ aa mà iyi nŋui í jɛ Aɔ̃ Lafɛ̃ɛ. An cã inyii idoi Nili do golo iyi ǹ wa n mu si awɔm nɔu ihɛ̃ nɔ inyiu fei ku kpɔò njɛ.

bii Faraɔ̃ í ni i ce maamaake gɔ iyi á jɛ nyinda i nyisi nŋu ŋa, awɔ Moizi, awɔi aa sɔ̃ Arɔ̃ɔ i ni, so goloɛ i taa ilɛ si wajui ilaaluu. Golou á kpɔò njo. Ŋɔi Moizi do Arɔ̃ɔ à koo à ba Faraɔ̃ nɔ à ce bɛi Aɔ̃ Lafɛ̃ɛ í sɔ̃ ŋau fei. Arɔ̃ɔ í ta goloɛu ilɛ si wajui Faraɔ̃ do akaweɛ ŋa nɔ í kpɔò njo.