Popular Bible Verses from Kufita 20

Share

Í ni, amui ǹ jɛ Aɔ̃ Lafɛ̃ɛ nŋɛ. Amui ǹ nya ŋɛ wa hai ilɛi Ezibiti bii ì tako ì waa jɛ aru ŋa wo. [Na nŋu, ide iyi ǹ wa n jilɛ nŋɛ wee.] I maà tɔɔ ngɔgɔ má ŋa bii kù jɛ amu akã.

I maà cea ara nŋɛ iwɛ̃ gɔ ŋa. Nɔ i maà gbe ngɔgɔ iyi í jɔ mii ndii lele gɔ walakɔ mii ndii ilɛ gɔ walakɔ mii gɔ si inɔ inyi ku jɛ iwɛ̃ nŋɛ ŋa. I maà gulɛ si wajui mii bɛɛbɛ ŋa i maà tɔɔ ŋa ŋa, domi amu Aɔ̃ Lafɛ̃ɛ nŋɛ ǹ jɛ Ilaaɔ̃ iyi í kɔ̀ mii dimi bɛɛbɛ ŋa. Inɛ ŋa iyi à cém, ijuukpãm á naa si ŋa do si ama nŋa ŋa hee ku koo si tɔku gbɛɛta walakɔ tɔku gbɛ̃ɛsia nŋa ŋa.

I jirima iyeò baa nŋɛ ŋa ku ba hunde nŋɛ ku sɔ si ilɛ iyi amu Aɔ̃ Lafɛ̃ɛ nŋɛ an mu nŋɛu.

I ye gigii ajɔi kusĩmi nɔ ajɔ nŋu i nyaa ikã ŋa.

I maà ya maa kpe irii amu Aɔ̃ Lafɛ̃ɛ nŋɛ si ide nfe nfe ŋa domi inɛ iyi wa ce bɛɛbɛ n kaa n jɔ̀ lafɛ̃ɛ iyi n kù kpãa iju.

Ajɔ mɛɛfai aa ya ce icɛ nŋɛ ŋa iyi ì nɛ ku ce fei ŋa. Amma ajɔ mɛɛjesiau ajɔi kusĩmii. Ajɔ nŋu bɛi í jɛ ti amu Aɔ̃ Lafɛ̃ɛ nŋɛ. I maà ya ce icɛ kãma ajɔ nŋu bɛ ŋa hai iŋɛ taka nŋɛ hee do ama inɛmɔkɔ nŋɛ ŋa do ama inaabo nŋɛ ŋa hee do woo ce icɛ inɛmɔkɔ nŋɛ ŋa do woo ce icɛ inaabo nŋɛ ŋa do mɛɛmu nŋɛ ŋa hee do inɛ njoo nŋɛ ŋa iyi à wa kpasɛ̃ nŋɛ ŋa fei.

I maà ya ce kɔdɛɛi nkãma iyi í jɛ ti kpaasi nŋɛ gɔ, hai kpasɛ̃ɛ do aboɛ do woo ce icɛɛ do kɛtɛɛ do gbankɛlɛɛ.

I maà ya jɛ sɛɛda ibo si gãmɛi inɛ gɔ ŋa.

I maà ce sakara ŋa.

I maà kpa amanɛ ŋa.

I maà ce ile ŋa.