Popular Bible Verses from John 21

Share

Iruku iriyadi koina niyori, Iesu yaku Simon Peter nikaiteyo, “Simon, John di ubama, ya besa na rofu uka maisa mina vene kana ba ide?” Ma nikabai reyo, “Yo, Varika amiye, ya ya diba ya ura reida.” Ma Iesu niyo, “Nai mamoe mida mida vana re.” Dudusa uru remanu ina rofu niyo, “Simon, John di ubama, na rofu uka maisa ba ide?” Ma niyo, “Yo, Varika amiye, ya ya diba ya ura reida.” Ma niyo, “Nai mamoe dogo re.” Ma uru regode ere niyo, “Simon, John di ubama, na ura reisa ba ide?” Kamini Peter bi iriyeduka reyo, adina bi uru regode nikaiteyo, “Na ura reisa ba ide?” Ye nikabai reyo, “Varika amiye e, ya bi beika baika tau gade ya diba; ya ya diba ya ura reida!” Ma niyo, “Nai mamoe mida mida vana re.

Rama iniye ya nida, ya goduari bi ya kaya farasi resi goidu digi ura regamo bi digamo. Idu ugava nigasa vana roto rigiya, ma amiye be ya farasi resi bi goidu digi ura de regiyari, bi ya afei digedi.”

Ma niyo, “Reke moisi bouti di vana rama rofu younesi be moigedi.” Ye reke younegasa bi rutu rei baena anua reyadi, adina bi oyena tau gade moiyadi.

Simon Peter yaku niyo, “Na bi kimai regida.” Niyadi, “Una ka yasa baegifa.” Ye bosi bouti keu riyadi, idu mina urusari bi yokoi moina de reyadi.