Popular Bible Verses from Lucas 5

Share

Jesús odurdaked-bergusgu, Simónʼga sogded: —Matasik be-ur be sede. Be agi ua-gaega saki mioed.

Simón, abin-imakdegu, ega sogded: —Odurdaked-saila, anmar ua-gananai oiboalid, degite, anmar gwen gassurmalad. Degiile, be-sogedba an saki miodo. Na saki-mismargu, bukidar-ua-gasmalad, agidbali saki achirmakbigualid.

Ar Jesúsʼdi walagwen-Bab-Dummadse-golega dulemar-satedba dulemargi banguddaed.

Dule-innikii-nanadimaladse-golega an nonisulid. Dule-isgudimaladse-golega, an nonikid. Adi, na e-isguedga bukib binsamalagar, mer bar isgumalagar.

Simón-Pedro ua-bukidar gales dakdegu, Jesús-abin yokorgi sindigar sigisad, ega sogded: —Dummad, angi be bangu, andi isgudiid-duled.

Jesús, abin-imakdegu, sogded: —Dule-gegusurmalad ina-duled abesulid, unnila dule-gegumaladbi ina-duled abedamalad.

Geb gakase ur senonimargu, bela ibmar obesmalad. Degi, geb Jesúsʼba nadmarsunnad e-sapinganga guegar.

Jesús neggwebur-gwensakgi-gudigu, dule-wargwen naibe-buna-yaa-maleged-yaisur-nikad ese nonikid, yokorgi sindigar Jesús-asabin signonikid. We-dule Jesúsʼgi wilenaigusad, ega sokalid: —Dummad, an wisid, be an-nudakbiele, sunna be an-nudaked. Geb degi, Jesús e-argan ese achadgu, dule-ebusad, geb degi, ega sogded: —Nugubi an be-abe. ¡Be nugusun! Degi, dule-boni-nikadi yog-nuguar-gusad.

Aka bur bela-belad Jesús-nug dungumai gualid. Bela Jesús-ibmar-imakdiid wisguarmalad. Dulemar-bukidar Jesús-itogega, degine, e-nudakega duurmaknonidamalad.