Popular Bible Verses from Jonibai We Ma Boroyari Sina 8

Share

I Reka Mamoema i dubu uwane tarieta na turina urero mui ememetuma rurua utawa wate wiawa nesia ido binono sanite yafa me kikiratu ibi.

Nono i botai aneru danu tawuyo ubuina aisi gebiroini inaini ononoini ma dinudinu uite nasiniro itari. I nasini rarogonu ma bebere ibiro i aisini inaini ononoini nesia itariro mui afu nasini ana oma inama yare me sini.

Nana nanu tubetuberoma erena mui amuo gasirama urero wawane inareda derawere wei, ari, ari, ari, i moana aneru rarogonu emanu tawuyo ubufitaitana i nasiniro ibifitaita uwara nesia siosa derawere woufitaita weiro naue.

Eno yare me siniro mui aneru danu tawuyo ubuina ina bubura dera maidani ari sataro enearo itari. I enea rarogonu enanari ma bebere ibiro nono mui afu enea ogo onono siniro nono i afuro erio egini enearo ibinita ememetu nesia uie me sitaro i afuro inarebita bouti nesia beberugari uta.

Eno ue me siniro i mui aneru danu tawuyo ubuina mui dera muina ekiwa ari bububu ue nasiniro tarari. I mui afu nasiniro erio ogoini i ogo nesia ubarero itari. I muinanu ifuna diririwere ana ari. I ogo nesia diririwere siniba emema itate uita.

Nono i mui abana aneru danu tawuyo ubuina i kowaini sakaraini muinaini emanu mui afu ma siosa uiro emanu mui afu ariona me siniba i dumuini kowaini emanu ariona derawere me.