Popular Bible Verses from Jonibai We Ma Boroyari Sina 11

Share

Nono i dubu aneru dana danu tawuyo ubuiro moana wate ureroma eno weita, yanu Dera Waria Amaraini Danu fafisu wiroeta Amaraini emana i nasini nesia yawofitae buna munitaba Dawa yawoteibisu weita.

I orofa atata uwara nesia sina siosawere weitaba Ana ibo ui. I koto ueta kowa ido farinuba i uieta uwara nesia emaba koto ufasu. Ana Anu gaukara ue we bou ueta uwaraba emanu kobererau moko mafasu. Enanari ifu derawere uwaraini ifu kikiratu uwaraini ana anama Anu ifu we ma derawere utaitana emaba emanu kobererau moko mafasu. Nono ana anama i nasini ma siosa utaitana ema moko ma siosa ufasu, eno weita.

Nono Nana nanu sina weta amara sadeibai buna ueta mamaro aramawere wadia ari barufisite Nanu sina weibisiro oya rarogonuini sakara sikisi mubisu wei.

Kowa rarogonuini mui kowa abanaro me sibisuna ido Godima ema sadeiba wiroeta oena mafiro ido uyafisite yare inafisiro i uwarama i amara sadei efitate iya derawere uyafitaita.

Godima i amara sadeiba buna mafisuba ure bana webisiro obi da mafisu. Ema sadeima ogoba webisiro i ogo nesia onono ufisu. Emanu unu siosawere ueta nasiniro fafitae ufisisina enanari ufisisi.

Godinu iboro ibinita oriwa ana sadeini i ekiwa oeta sadeini ina i sina weta amara sadei ari. I amara sadei inafisiro nono moana uwarama emanu unu ueta siosa ufitae ufitaitana i amara sadeinu bebeturoma ina fafite i wasai ufitaita uwara yare me sibisu. Anama emaba siosa ufie ufisuna dawa daido eno ba uifisu.