Popular Bible Verses from MAK 13

Share

Ungta Nei kmiing leenni naanna mii mkheng ngi asnuwm in nime. Pdainu mṭut na kpha dekki kdiil pchaang mii ava kaktlan pik ra.”

Tuk asut inra, asuw pṭoi chaan; mleija mpha ava tden kurjung rang tdit naanni dei maan ti.

Ungta mmaanni akjowng in donle atparlaan pthiin mpha thu, mdu ngi ado the raan ava plung purdun psuk maan; pdainu mpha ava kat thung ngi ado the raan ava akpii chraan, mleija kpau rang nga naan ra ava pme; pdainu pthla kchiir ra.

Parwaan leh dultia kmaang chra, pdainu Nei kpauna rekka maang nime.

“Pdainu mnit mdit mata mṭhang ava ku khat lee ngi dei me, parwaan ki waan tamsii rek daat don, mdit mata Mchapa daat don deime, pdainu Mpah daatti kdeira.

Ungta naanni rawl rek leh rawl ki titi aryaak in mpha thu, plung kpurthlown maan; ru kri reeppi hava kthuwk ra, pdainu mṭut na rang ki ava pme.

Ava leiji asut pṭoi dei chaan mleija inn kpupa ava tden kthlung rang tdit naanni dei chmaan ti, kjiing ngi, mdit mata thanṭim mi, mdit mata harkhuwn ni, mdit mata jiingsun kpanma ngi kthlung kro. Mma ngi murjun tengle ki iip daatti ado tphaak ma nraan, Neiji naan hin kdothe ava mii mkheng hin kdo the kurthuwk; asut pṭoi chaan.”

Mleija paam khat ki mii ngi paam khat ki mii kahal chra, kruwngpaam khatti kruwngpaam khat kahal chra; mmun kteen thung ngi ringnaang kthuwk ra, poi tham ka am ra; pdainu hava ava nao kuplu rang ngi kdung kṭou heppi kupṭhun ra.

Ungu kṭha paumin ava ru kri ngi chati rek mkheng thung ngi ado paryaam raan.

Nei kmiing ngi mii knempok thleng donle, ‘Nea Mma ping!’ di don kthe ra, ungu mmaanni mii knempok ava lam lele tha kṭhi ra.

Pdainu adaksaan tuk asut dei chaan; mleija mmaanni karseel lop thu akṭhi raan; synagog rek thung ngi akbun raan, ungu Nei ktummi rinpaumin kuhur rangki paam kpu rek leh kruwngrek maiṭhuwm mi rip naan di.

Kindit kma khrista rek leh kindit kma khulpu rekki titinna leh tnga na tdet donle, mrot khim khai thu mdo kchol dok rek ava lele tha kṭhi lamra.

“Pdainu nit rek ava thu, suwk kthuwk ava dil tha, kniw ngi kjiing chra, thla ngi mar awng pii nime, parwaan ki bursi rek arjun ktla ra, ungu parwaan ki rutan rek kunchun ra.