Popular Bible Verses from MATHAIA 6

Share

A ram le a felna chu zong masa roi, khanchu, hihai murdi hi nangni pêk bêlsa a ti.

Khasikin, zînga hrang lunginkâng no roi, nangtûka hrang khom Pathianin nangni ngaitua a ti. Sûn khat dengthei hi sûn khat hrangin a iruk a ni.

“Khasikin nangni ki hril, nin hringna hrangin imo fâkin kin iin hrang tihai, takpum ta hrangin imo kin isil hrang tihai hi lunginkâng no roi. Fâk hrang nêkin hringna hi a poimo ual, silkai nêkin takpum khom a ipoimo ual loi ma ni?

Nangni’n chu nin chongchai zoro’n, nin chontan sûngrîla lût unglân, in khâr unglân, nin Pa mita hmu theiloi kuanga khan chongchai roi. Khanchu, inrûka nangni hmu ngaitu khan nangni thuan a ti.

Khanchu, nangni chu hiang hin chongchai roi: ‘Kin Pa, irvâna mi, Ni’rhming mahripin om ri se, Ni Ram zuang tung ri se. Ni nuamlam irvâna mi’n an isin angin, irnênga mi’n sin ri se.

A vuan hin kin rukin bu ni pe roh.

Kin chunga tho insualtuhai kin ngaidam angin, nang khomin kin tho insualnahai ni ngaidam roh.

Thêmnaa ni hruai inlût no’n lân, mi sualhai ata ni saninhring roh,’ tiin.

“An tho’nsualnaa mihai nin ngaidamin chu, nin Pa irvâna mi khomin nangni ngaidam a ti.

Chunglêng vahai khi en u ta, bu tû mahaia, ât mahai, fasiara inlût ual mahai, khannisian, nin Pa irvâna mi’n an fâhaia; anni nêkin chu nin ihlu ual loi ma ni?

“Irnênga, irthî le ngarêkin a fâk siatnaa, inruhaiin an inrûk theinaa hin nin ta hrangin irchon bukkhôm no roi. Irvâna, irthî le ngar-êkin a fâk insiat loinaa, inruhaiin an inrûk thei loinaa khan nin ta hrangin irchon bukkhôm ual roi. Nin irchon omna kipa nin lungrîl khom a om ngai.

“Tûte’n hruaitu inhni sin irkop thei no nihai, inkhat hnôlin, inkhat indit an ta; aninole inkhat irngaiinnat an ta, inkhat hmusit an ti. Pathian sin le sum sin irkop thei no chin ni.

“Khanchu, ram sûl, a vuana hring, nangtûk zînga meia tua nôk zel hrang lua Pathianin khaang dôrin a’rvotirin te, O nangni iamna tômhaio, khahai nêkin chu nangni irvôtir no ni mo?

Nangma’n chu lungkham thilpêk ni pêkin ni kut chang tianga itho kha ni vei kutin inhre no ri se; ni thilpêk chu inrûka a om theina hrangin; khanchu, ni Pa, inrûka nang hmu ngaitu khan nang pe a ti.

“Nin thil sa thohai kha mihriam makunga, an hmu hranga tho loi hrangin irdîn roi; khano’nchu nin Pa irvâna mi kuang lômman hmu no chin ni.

“Bu nin nghei zoro khomin mi vârirlethai angin ngûi hmêl irput no roi; anni’n chu mi mit hmu’n bu nghei an inlangtir theina hrangin ngûi hmêl an irput ngai. Thudik nangni ki hril, an lômman chu an hmu zoi ta. Nangni’n chu bu nin ngheiin, sahriak irthû unglân, nin hmâi phi roi. Nin Pa, inrûka om kuang vai no chu mi mit hmua bu nghei inlang no chin ni; khanchu, nin Pa, inrûka nangni hmu ngaitu khan nangni thuan a ti.