Popular Bible Verses from LUKA 3

Share

Khan, mi murdi baptisma an chang zoiin, Jisua khom baptisma a changa, a chongchai laiin irvân ar honga. Irtha Irthiang chu taksa irputin a chunga vasu angin a zuang chuma, irvân ata hnuk irhai a zuang suaka, “Ki Nâi lungthung tak ni ni; ni chunga ki lôm tak tak,” a zuang tia.

Johana’n, “keima’n chu tuiin nangni ki baptisa, keima nêka roiinpui ual zuang hrang a nia, keima chu a kekok hrui sût inruk khom ni ma ung; Ama’n chu Irtha Irthiang le meiin nangni baptis a ti.

Nin sual nin irlet tak tak tih nin nunchana inlangtir roi. Abrahama kha ei irchibul a ni khate, lei ti chin ni; nangni ki hril, Pathianin hi lunghai khom Abrahama irchi a inchang thei kêng.

Thing tin a’rzung dêna phûr hrangin hreipui an sia ta. Thing tin ra saloia ra chu, irkita meia pai ni an ti,” a tia.

Deipu lekhabua irziak angin; “Ramchâra mi hnuk irhai khan, ‘Rengpa lampui siam unglân, a fena hrangin lamintûn siam roi! Irhôr tin insip ni a ta, mual le tâng tin irhniamtir ni a ti. Lampui kôihai intûntir ni a ta, Lampui inrualloihai kha inrualtir ni a ti. Khanchu Pathian saninhringna kha mi tinin hmu an ti,’ ” ti irziak ang khan.