Popular Bible Verses from Ninge 30

Share

Kanong warah no uno ngalngaluan i la kiskis dahin mon, iesen no uno bala malum i la kis hatika taar tano num kudulena nilon bakut. A sunuah i haruat be na kis mon ma tiga bung ra bung, iesen no gungunuama i la hananuat ra malaan.

U te pukusane no nugu sunuah i hanuat minangata. U te kap se ira nugu sigasigam na tapunuk ma u hasigam iau ma ra gungunuama, waing iau ni inge ukatiga ho ugu ma pa ni kis kunkun. Watong, nugu God, iau ni tanga tahut taam hathatika.

Watong, nugu God, iau ga tataau ukatiga ho ugu wara harharahut, ma u ga balaure halon iau.

Inge uram tano Watong, muat ing muat te tar tutun ira numuat nilon tana. Pirlat no halhaliana hinsana.

Iau ni hatamat ugu, Watong, kanong u ga raun leh iau tano lamlamana, ma pau ga bale ira nugu ebar be diet na papasuane iau.