Popular Bible Verses from Ninge 27

Share

Kis kawase no Watong. Nu dadas ma nu balaraan taar. Masa, nu kis kawase no Watong.

Tiga linge iau saring tano Watong. Iakan nong iau silsilihei, ma i hoken: bia iau ni lon narako tano hala tano Watong ta ira bungbung bakut tano nugu nilon, wara matmate no minamar tano Watong ma wara lilik murmur ie narako tano uno hala na lotu

No Watong aie no nugu lulungo ma no nugu harhalon. Iau ni burte sige? No Watong aie no nugu dadas na sibaan na barbarahit. Iau ni ramramin um ta sige?

Iau nurnur taar at ta iakan, bia iau ni nes no bilbilai tano Watong ing at iau lon taar ta iakan ra pise.

kanong tano bung na saksakena aie na balaure timaan iau narako tano ngasiana, aie na suhe iau ma iau ni barahit narako tano uno hala na lotu, ma na hakisi iau aram naliu saakit tiga haatkis.