Popular Bible Verses from Ninge 22

Share

Nugu God, nugu God, wara biha u te malok se iau? Wara biha u manga tapaka wara halhalon iau? U manga tapaka mah wara tartaram ira nugu sunuah na ngunngutaan?

Diet ga suah tupas ugu ma diet ga kap harhalon. Narako taam diet ga so nurnur ma diet pa ga tapunuk, kanong u ga harahut.

Ira hauhawatine no ula hanuo bakut diet na lik leh ma diet na tapukus taar tano Watong. Ira hatatamaan tano ula hanuo bakut diet na lotu tupas ie, kanong no Watong, aie no King, ma i kure bakut tar ira kantri.

Diet harpalau ma ira nugu sigasigam ma diet mamagu ma ra satu utano nugu maal.

Diet na hinawas palai ta ira matanaiabar ing baak pa di kaha diet ta ira uno taktakodasiana magingin, kanong warah, God i la harharahut ira uno matanaiabar.