Popular Bible Verses from Ninge 18

Share

No Watong aie no nugu haatkis, no nugu subaan na munmun ma no nugu Ut na Harhalon. No nugu God aie no nugu haatkis, aie nong iau barahit tana. Aie no nugu bahbahit ma no dadas tano nugu harhalon, no nugu dadas na balo.

Iesen ing ta God, ira uno ngaas i bilai harsakit. No nianga tano Watong i tutun, taie ta bis tana. Aie tiga bahbahit ta diet ing diet na barahit tana.

Iau tataau uram tano Watong nong i takodas bia da pirlat ie, ma iau te langalanga sukun ira nugu ebar.

Tano nugu tapunuk iau ga tataau uram tano Watong. Iau ga suah uram hono nugu God wara harharahut. Meram tano uno hala na lotu ga hadade no ingagu. No nugu sunuah ga haan tupas ie ma ga hadade.

Watong, u la halulungo tar at no nugu laam. Nugu God, u la pukpukusane no nugu kankado wara madaraas.

Ne God at nong i la tartar dadas tagu, ma i la hatakodasne timaan no nugu ngaas.

No Watong i lon! A pirharlat tupas no nugu Haatkis! Da hatamat God no nugu Ut na Harhalon.