Popular Bible Verses from Ninge 142

Share

Watong, iau suah ukaia ho ugu. Iau tange, “Augu no nugu barbarahit. Augu no pinlawegu kai ra taman audiet ira lilona.

Halangalanga iau sukun no nugu harpidanau, waing iau nigi pirlat no hinsaam. Io kaik, ira ut na takodas diet na hanuat luhutane iau kanong utano bilbilai u te gil ie tagu.

Ing bia no nugu nilon i maalum, augu iaat u nunure tar no nugu ngaas na hinahaan. Kaia tano ngaas nong iau mur ie, di te suhe tar tiga kuun wara utagu.

Iau manga suah uram hono Watong. Iau raun haut no ingagu uram hono Watong wara gaena harmarsai.

Hadade no nugu sunuah, kanong iau manga tapunuk. Halon leh iau sukun diet ing diet paspasak hani iau, kanong diet manga dadas tagu.