Popular Bible Verses from Matiu 3

Share

Gaar tahut bia muat na gil ira linge ing na haminas bia muat te lilik pukus!

Ma di ga hadade a ingana tiga nong ga ianga suur meram ra ula mawe gaam tange, “Iakanin no Natigu, nong iau manga sip ie ma iau kanakana sakit tana.”

Ma ing Jon ga baptais tar Jisas, Jisas ga hanan sot meram ra tingaan taah. Kaik at mon no mawe ga tapapos ma Jisas ga nas no Tanuo ta God ga hanhansur taar tana hoing tiga bun.

“Io, tikai na hanuat namur tagu ma i tamat tagu. Iau pai haruat bia ni kap ira pupunaak na kakine. Iau baptais muat tano taah wara hapuasne bia muat te lilik pukus. Aie na baptais muat ma no Halhaliana Tanuo, ma ra iaah mah.

No matau ie ke ra bola daha, nong i taguro taar wara katkato hasur ira daha. Ma ira daha bakut, ing diet pai la huhuai ta tahut na hunue diet, na kato hasur ma na se tar ra ula iaah.

Ma ne Jon no tunotuno nong no tangesot Aisaia ga iangianga utana hoken, “Meram ra hanuo bia a ingana tiga nong i taatau, ‘Tagure no ngaas tano Watong, Gil hatakodas ie wara uno hinanhuat.’”