Popular Bible Verses from Hibru 8

Share

Diet na nunure iau kanong iau ni suge se ira udiet sakena ma ra harmarsai. Masa! Pa ni lik leh um ira udiet nironga.”

Iau no Watong, iau tange bia no mangana kunubus iau ni gil ie ma no huntunaan Israel ta tiga pakana bung namur, aie hoken: Iau ni bul ira nugu harkurai ta ira udiet lilik. Ma kaike ra harkurai iau ni pakat kahe ta ira bala diet. Ta iakano pakana bung namur iau um no udiet God, ma nugu matanaiabar um diet.

Tikai pa na hausur no tahanuana bia no hinsakana hoken bia, ‘Na tahut bia nu nunure no Watong.’ Taie. Kanong warah, diet bakut diet na nunure iau, meras hoira maris tutun at tuk ta ira tamat na watong.

Iesen i palai bia pa ga papalim timaan kanong God ga nes bia ira matanaiabar diet sakena baak, kaik gaam tange hoken: “Nes baak! Iau no Watong, iau tange bia a pakana bung i wara hinanuat ing iau ni gil ra sigar kunubus ma dir ira iruo huntunaan Israel ma Iuda.

No tamat na linge ta kaiken ra nianga iau tangtange aie hoken: audahat tiga mangana ut na lamus tunotuno tupas God nong gabe kap no tamat na kinkinis. Ma iakano kinkinis i kis taar tano kata na lumana Nong i Manga Tamat Sakit nong i la kis taar tano uno kinkinis na harkurai aram ra mawe.