Popular Bible Verses from 1 Tesalonaika 5

Share

I tahut bia muat na guama hathatika. Muat na sasaring hait. Muat na tanga tahut uram ho God ta ira linge bakut. Warah, kanong God i sip bia muat ing muat kis taar ta Krais, muat na lon huo.

Metal sasaring bia God at nong i tar ra malum ta dahat, na bul hasisingen ira numuat nilon bakut bia na halhaal talur ira sakena taar ta ira gamgamatien. Ma metal sasaring mah bia na balaure ira tanua muat, ira bala muat, ma ira palatamai muat waing taie tiga nong na tale wara kilkilam muat bia a mon sakena ta muat tano pakana bung bia no udahat Watong Jisas Krais na hanuat. God nong i tau muat na gil kaiken kanong i la gilgil haruatne ira uno nianga.

Muat na harbalaurai timaan bia waak muat balu ra sakena ma ra sakena baling. Iesen muat na walar hatikane wara gilgil ra tahut harbasia ta muat ma diet ira mes mah.

Io kaik, muat na habalaraan ma haragat harbasiane muat hoing muat la gilgil.

Bar hinsaka metal, metal haragat muat bia muat na hakatom ira malmalungana, ma muat na habalaraan diet ira ut na nginarau, ma muat na harahut diet ing diet pai tur dadas, ma bia muat pa na manga gasien wara hapidanau tiga nong.

Iesen dahat, dahat ira tunotuno gar na madaraas. Io kaik, waak dahat haruat hoira ut na minom. Dahat na taguro timaan. Hoing ira umri, dahat na sigam no udahat nurnuruan ma no udahat harmarsai hargilaas hoing tiga sigasigam na pala riam. Ma hoing ira umri mah, dahat na kuhe no udahat nurnuruan kawase no harhalon kanong God pai le bul no uno lilik bia no uno ngalngaluan na haan tupas dahat. Taie. I sip bia na halon dahat tano udahat Watong Jisas Krais nong ga maat wara gaie dahat. Ma ga maat wara gaie dahat waing dahat na lon tika mei. Taie ta linge bia dahat lon taar bia dahat te maat. Dahat na lon tika mei.

Taie. Muat bakut, muat lon tano palai ra kasakes. Dahat pai lon tano kankado ra bung.