Popular Bible Verses from JOHAN 16

Share

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

Amahvang chuh, Pathien chanchin diktak phuongdawkpa Thagau chuh a hung tieng leh, thudik cheng chengah hun puilut ina. Amah phuok kawmin thu gen ding a hi puoh a, a thu zakte chauh gen intin; thil hungtung dingte le hun hetsak in a.

Tuchan hin, ka min in bangmah na ngên ngâl puou a; ngên un, tichun, hun pie’n a, na kipâk uh a bukim na dingin.

Himahlele, thudik tak ka hun hilh na hiu hi, ka chieh nang u dingin a phai; ka chieh loh chun Lungmuonpa chuh na kawm u a hung lo ding ahi ngâl a. Himahlele, ka chieh chun, nang haw kawma hun sawl ding ka hi. Tichun, amah chuh a hung tieng leh, khawvel a mite kawm achun, gitloh thu te, diktatna thu te leh vaihawmna thu te ah a dikloh zieu hun hetsak ina.

Zie chuh, tu a nanguh dinmun tawbang hi ahi: tuhin na lungkham u a, himahleh, nanguh hun mu kit ing ka, tichun, na lunggil u chuh kipahna kuoma’n a hun lâksak theih loh ding chun dim ina. “Zie ni chuh a hungtun tieng leh, nangun kei bangmah ei dawng puo’n lau. tihtakzet in ka hun hilh na hiu hi. Pa kawma bang hitaleh, na nget u chun, keimah min in nanguh hun pie’n a.

Tihtakzet, tihtakzet a ka hun hilh na hiu hi, nang haw hi kap in lungkham un na tin un, himahleh, khawvel hi kipâk ding ahi; lungkham un na tin uh, himahleh, na lungkhamnau chuh lawpna hung suok ding ahi.