Popular Bible Verses from MATHI 5

Share

Shingaia milen tsükloker molok telung nung mayur, saka milen atalokba dong nung ayur; aser iba jagi kidang alir ajak nem tesangwa agütsür. Yamaji nisungtemi nenok mapa tajung ngua, kotak nung aliba nenok Tebu sentsü wangshidaktsütsü asoshi parnok madang nenok tesangwaji jungkai adokdakjang.

Nenok alima tesangwa. Tenem nung aliba yimti memiimtet.

“Shir mulungsentsü merükmerüka ali parnok temoatsüba; kechiaser parnoki Tsüngrem angutsü!

“Shiri temeshiba asoshi ya-a tzürar parnok temoatsüba; kechiaser parnok tipatemtsü!

Saka ni nenok dang shidi, nenok tsükchirtem meimang aser shiri nenok rishikangshir parnok asoshi sarasademjang.

“Tanela nung anünga alirtem temoatsüba; kechiaser Kotak yimli parnok meyong!

“Shiri yimjung yanglur, parnok temoatsüba; kechiaser parnok dang Tsüngrem chirtem ta ajatsü!

“Shiri mang ayimer parnok temoatsüba; kechiaser parnok süneptsütsü!

“Shir temeshiba inyakba asoshi rishikangshir parnok temoatsüba; kechiaser Kotak Yimli parnok meyong!

“Shiri taochi mapa sayur parnok temoatsüba; kechiaser parnoki taochi angutsü!

“Kodang nisungtemi ni asoshi nenok mezüngmeshia arütsüdir aser nenok rishikangshidir aser nenok anema tiyazü agi tamajung ajak jembidir, idangji nenok temoatsüba. Temulung chiang aser kanga pelaang, kechiaser kotak nung nenok sempetji tulu lir. Kechiaser nenok dang tama aliba ainkartem, parnoka yamaji rishikangshi.

“Shir ajemalurtem lir parnok temoatsüba; kechiaser parnoki alima senmang amangtsü!

“Nenok alima metsü; saka metsü dak tanang samadokra, kechi agi aji nangdaktsütsü? Joko aji kecha sütsüa masü, saka padoker nisung tetsüng agi ajemshitsüba dang.

Anungji nenok kotaker Tebu koda tabensa lir, yamaji nenoka tabensa liang.

Jokorla nenok ‘Hau’ süra ‘Hau’ mesüra ‘Nunga’ süra ‘Nunga’ ta südakjang. Aser kechisa item dakji tali jembidir, tamajungba nungi adoker.

“Ya ashiba nenoki angashiogo, ‘Tenük melen tenük, aser tepu melen tepu.’ Saka ni nenok dang ashir, Tamajunger den terara; saka shibai ne tenibong tajichi nung madir, pa tsütsü tabelenjia tendakang.

Aser ne tenük tajichi agi na metsüdaktsüra, aji arokdokang aser endokang; kechiaser ne temang ajonga molumi nung puokdangbo, na asoshi ne tenük telen ka sama tajungba. Aser ne teka tajichi agi na metsüdaktsüra, aji leptokang, aser aji na nungi endokang, kechiaser temang ajak molumi-i aidangbo, na asoshi tenük telen ka sama tajungba.