Popular Bible Verses from MATHI 28

Share

Anungji nenoki oang aser kin ajak nütsüng kümdakjang, Tebu, Techir aser Tanela Temeshi tenüng nung parnok baptijang. Aser ni nenok dang kechisa mela, item ajak benshitsü parnok dang sayuang; aser ajiang alima tatem tashi ni nenok den teti alitsü.”

Yisui arua parnok den jembia ashi, “Kotak nung aser alima nung tashi-ain ajak kü nem agütsüogo.

Aser kotak tenyar jagi tetsürtem dang ashi, “Nenoki tetsübu, kechiyong Yisu shiba kangki nung angenlok, nenoki pa bushir ta ni metet. Pa yangi mali, kechiyong pai ashiba ama, pa shia aruogo; arung pa mejangdak ajiang.

Idangji Yisui parnok dang ashi, “Tetsübu, oang, aser kü adianutem dang Galil-i oang ta shiang aser idakji parnoki ni angutsü.”

Parnoki tamburtem aniten aser jembiteper külen, parnoki temerangertem nem sen aika agüja ashi, “Onok mejanga alidang pa nütsüngtem aru aser pa mang bener oadok ta nenoki shiang. Aser ibai governori angashira, onoki pa mesüzüktsü aser nenok lendong nungi kümzüktsü.” Anungji parnoki senji agizük aser parnok dang ashiba ama inyak. Iba osang ya Yihuda nunger rongnung ayimsünga prokshia ao aser tanü tashi parnoki aji oda jembia arur.