Popular Bible Verses from Madiu 28

Share

Coinega watauya ma 'asa mabwaiyadi 'oidiya waloguguya, ma 'oinega tomota sihemisaegau, ma wete wa'abihe babitaisodi Tamagu saninega ma Natuna Taugu saniguwega ma wete Yaluyaluwa Tabuna saninega. Loina mabwaiyana ya'ebwaegomiya ma wahe'itaedi, ma taudi wete sida muliyedi. Ma moisa, taugu ba'idamiu tamiyamiya sauga mabwaiyana 'oidiya, sauga bewa ma 'ana siga bale'u 'ana 'ebelosaloha 'oina.”

Eeta Yesu 'inaoma 'oidiya ma 'ihegwaediya, 'igwae, “Tamagu loina waiwaina mabwaiyana galewa ma bale'uwa 'i'ebwae pwaigauwa.

Ma aneloseina wahiwahineyedi 'ihegwaediya 'igwaeya, “Sahena wa'ate'ateyoho. Yasanasanapu 'omi Yesu tauna silohe'amasiya wabesebese. Tauna geya 'ebwa, weyahina 'amasega 'itoholo pwaiya, gide mwalo 'ihegwaegomiya. Wanaoma ma 'ina 'ebe'eno wa'ita gaugaulinamo

Coinega Yesu 'ihegwaediya, 'igwaeya, “Sahena wa'ate'ateyoho, ma hesi watauya ma 'iyagwao wahemataluwedi ma sitauya Galili 'oina, nage 'oina 'abwa si'itegau.”

Coinega topwaoliyedi ma babada mahetediyao si'eto'autama ma siloina, ta mane to'itayahinaowedi si'ebwaediya ma 'ane tomota 'oidiya sida hepwaila dadane, ma 'ane sida gwae, “Nihuwana 'a'eno'eno ma Yesu 'ana tomuliyao sitauyama ta wahina siyagahiya.” Eeta sihegwaediya, sigwae, “Ceguma toloina madouna wasa bewa 'ihesagohe, nata 'a'abowe ma 'oinega geya sawasawahina ma 'igamwasowala 'oimiya.” Coinega 'idi mane si'eweya, ma topwaoliyedi ma babadao 'idi nuwatuhuina sihematamataneya, ma 'idi hepwailaina 'ilelewana meYudiya 'oidiya, 'oinega bewa tuwa gide wete sihehegwaegwae.