Popular Bible Verses from Lukas 5

Share

To pogkaponga ni Hisus to pog-anad din to mgo otow, kagi rin ki Simon to, “Pamogsoy ka pa dio to maralom, woy itoon now pa ka mgo sigay now oyow duon ogkoutol now no ngalap.”

Nigtabak si Simon to, “Maistru, napawaan koy ro duon ka nigpanigay no waro noutol noy di ko sikoykow ka ognangon koddi, og-ulugon ku ro ka mgo sigay.” Nakaponga sikandan nigtoon to mgo sigay, mohon-ing lagboy no ngalap ka nigsagad to sigay ran no ogkagisi on poron ka mgo sigay.

Di malasi og-awo si Hisus no sagboka rin do no oghondio to awayan no nigmariu to mgo lunsud no nig-ampu dio to Amoy rin no Magboboot dio to Langit.

Kagi ni Hisus, “Wara a moghondini to ogbulig to mgo otow no matuwarong ko kono ian ku ogbuligan ka mgo makasasalo oyow ogbalbalawan dan ka mgo batasan dan.”

Nò! Pogkita ni Simon to nohimu ni Hisus bahin to ngalap, nigluhud to tangkaan ni Hisus. Kagi rin ki Hisus to, “Buyag, mariu ka koddi su makasasalo ad no otow.”

Si Hisus ka nigtabak kandan to pananglitan din to, “Ka otow no waro dalu, kono din og-awos ka talagtambal. Ka otow no duon dalu, sikandin ian ka og-awos to talagtambal.”

Nò, pogduung dan on to mgo balutu ran, piggalat dan on ka mgo balutu woy tibo no nakatagu no nigluyud on ki Hisus.

Duon allow no nokohondio si Hisus to songo lunsud no duon otow no ibungon no mohon-ing no kogang dio to lawa rin. To nigkita rin si Hisus niglangkob dio to tangkaan din no nigpohoy-uhoy-u kandin no kagi rin to, “Buyag, ko ogkoiniatan nu, ogpakabawi ka to kogang ku oyow ogkaawo ka igkaligsomi ku dio to tangkaan to mgo otow.” No pigtinawo ni Hisus ka ibungon no pigdampo din ka lawa rin. Kagi ni Hisus to, “Ogkoiniatan ku ian no ogkabawian kad on.” Nò, naawo on ka mgo kogang dio to lawa to sikan so ibungon.

Dokad di to nokohun-a on man maalap ka nangnangonon tongod ki Hisus dio to mgo mariu no mgo ugpaan no mohon-ing ka mgo otow no ogkalimudlimud to oyow ogpamminog kandin woy to oyow ogkabawian ni Hisus ka mgo masakit dan.