Popular Bible Verses from Jeremias 13

Share

Mailisan bala sang isa ka maitom nga tawo ang kolor sang iya panit? Mailisan man bala sang leopard ang iya mga pintok-pintok? Siyempre indi! Gani kamo man, mga taga-Jerusalem, indi kamo makahimo sing maayo, kay nangin batasan na ninyo ang paghimo sing malain.

Padunggi ninyo ang GINOO nga inyo Dios samtang wala pa niya mapadala ang kadulom, kag samtang wala pa kamo masandad sa madulom nga mga bukid. Ang kasanag nga inyo ginalauman himuon niya nga puwerte nga kadulom.

Ining malain nga mga tawo indi magtuman sa akon mga pulong. Ginasunod nila ang katig-a sang ila tagipusuon, kag nagaalagad kag nagasimba sila sa iban nga mga dios. Gani mangin pareho gid sila sa wagkos nga indi na gid mapuslan.

Magpamati kamo sing maayo, kag indi kamo magpabugal, kay naghambal ang GINOO.