Popular Bible Verses from Hukom 6

Share

Nagpakita sa iya ang anghel sang GINOO kag nagsiling, “Ang GINOO kaupod mo, maisog kag makusog nga tawo.”

Dayon nagsiling ang GINOO kay Gideon, “Lakat, kag gamita ang bug-os mo nga kusog sa pagluwas sa Israel sa mga Midianhon. Ako gid ang nagapadala sa imo.”

Nagsabat ang GINOO, “Buligan ko ikaw, kag laglagon mo ang mga Midianhon nga daw sa nagpakig-away ka lang sa isa ka tawo.”

Nagsabat si Gideon, “Sir, kon ang GINOO kaupod namon, ngaa amo ini ang amon kahimtangan? Ngaa wala siya nagahimo sang mga milagro pareho sang iya ginhimo sadto sang ginpaguwa niya sa Egypt ang amon mga katigulangan, suno sa ginsugid nila sa amon? Pero karon ginpabay-an na kami sang GINOO kag gintugyan sa mga Midianhon.”

Nagsabat si Gideon, “Pero, Ginoo, paano ko maluwas ang Israel, kay ang amon pamilya amo ang pinakapigaw sa tribo ni Manase kag ako pa gid ang labing kubos sa amon pamilya.”

Karon, nag-abot ang anghel sang GINOO sa Ofra. Nagpungko siya didto sa puno sang kahoy nga terebinto nga iya ni Joash nga kaliwat ni Abiezer. Si Gideon nga anak ni Joash nagalinas sadto sang trigo sa may pulugaan sang ubas para indi makita sang mga Midianhon ang trigo.

Nagpatindog didto si Gideon sang halaran para sa GINOO kag gintawag niya ini nga “Nagahatag sang Kalinong ang GINOO.” Kag hasta subong ara pa ini nga halaran didto sa Ofra, sa lugar sang mga kaliwat ni Abiezer.

Nagsiling si Gideon, “Kon nalipay ka sa akon, hatagi ako sang tanda nga ikaw gid matuod ang nagasugo sa akon.

Pero ginsilingan siya sang GINOO, “Magpakalinong ka. Indi ka magkahadlok. Indi ka mapatay.”

Naghimo liwat sing malain ang mga Israelinhon sa panulok sang GINOO, gani ginpasakop sila sang GINOO sa mga Midianhon sa sulod sang pito ka tuig.