Popular Bible Verses from Daniel 7

Share

Ginpadunggan siya kag ginhatagan sang awtoridad sa paghari, kag nag-alagad sa iya ang tanan nga tawo sa nagkalain-lain nga nasyon, lahi, kag lingguahe. Magapadayon ang iya paghari hasta san-o kag wala sing may makalaglag sini.

Dayon nakita ko ang daw sa anak sang tawo nga ginlikupan sang panganod. Nagpalapit siya sa Dios nga nagakabuhi halin pa sang una.

Dayon ihatag sa balaan nga katawhan sang Labing Mataas nga Dios ang pagdumala kag paggahom sang mga ginharian sa bilog nga kalibutan. Gani magahari sila hasta san-o, kag ang tanan nga ginharian magaalagad kag magatuman sa ila.”

Pero ang mga balaan sang Labing Mataas nga Dios amo ang hatagan sang awtoridad sa paghari nga nagapadayon hasta san-o.”