Popular Bible Verses from 1 Timoteo 3

Share

Indi mapanginwala nga makatilingala gid ang mga kamatuoran sang aton relihiyon, nga gintago sang una: Nagpakita siya bilang tawo, ginpamatud-an sang Espiritu Santo nga siya matarong, nakita siya sang mga anghel, ginwali sa kalibutan, gintuohan sang mga tawo, kag gindala pabalik sa langit.

Kinahanglan ang manugdumala sang mga tumuluo lalaki nga wala sing kasawayan, isa lang ang iya asawa, kahibalo magpugong sang iya kaugalingon, kahibalo magtimbang-timbang kon diin ang husto ukon indi, talahuron, maabiabihon sa mga pangayaw, kag maayo magtudlo.

Kon parte sa iya panimalay, dapat maayo siya magdumala, kag ginatahod siya kag ginatuman sang iya mga anak.

Dapat isa lang ang asawa sang mga manugbulig sa iglesya, kag dapat maayo sila magdumala sa ila mga anak kag sa ila bilog nga panimalay. Ang mga manugbulig nga husto ang ila pag-alagad ginatahod sang mga tawo kag wala nahadlok maghambal parte sa ila pagtuo kay Cristo Jesus.