Salmos 3

1Xrana' Dios, ba naxánle̱'e̱ benne' dxeledábague̱' neda'.

Benne' zante̱ dxeledíl-lale̱ne̱' neda'.

2Benne' zante̱ dxelenné̱' chia': “Quebe guselá Dios le̱'.”

3Lue', Xrana' Dios, dxucú'uju' neda'.

Nacu' Benne' dxebéle̱na', ne Benne' dxuzé̱ chawe̱' neda'.

4Gudxezre xa'a, bláwizra' Xrana' Dios,

na' Le̱' beche̱be̱' chia' naga zue̱' lu xi'a lá'azxa chee̱'.

5Guta', ne gusia',

na' bebana' lawe' da nuxru Xrana' neda'.

6Quebe zreba' gaxúa gaxúa bénneache,

benne' zaj naxéchaje̱' neda'.

7Guzé̱, Xrana' Dios.

Bselá neda', Dios chia'.

Be̱n we̱' xraga benne' ca' dxeledíl-lale̱ne̱' neda',

ne guzuzruj lazxa benne' xriwe̱' ca'.

8Xel-la' weselá za' lu na'u, Xrana' Dios.

Be̱n da chawe' chee̱ bénneache chiu'.

Избрани в момента:

Salmos 3: zat

Маркирай стих

Споделяне

Копиране

Искате ли вашите акценти да бъдат запазени на всички ваши устройства? Регистрирайте се или влезте

Популярни библейски стихове от
Salmos 3