Jenɛɛsë 17
17
Nyɔsʋa 'cicia' Abramëa 'nyrɩ Abraamë 'lɩ
1Abramë kä käa' ‑sɩa ‑glʋɩmlɔɔ ‑sɩ ‑pʋ ‑sɩ ‑uunmlɔɔ nɩ, Yawe 'tɔrɔ kä 'ɔɔn 'nyü ‑gälɩ 'ɔnya ‑gbala 'ɔɔn: «'Mɔɔ bä Ɛlë Sadaii#17.1 Ɛlë Sadaii: «Ɛlë» a ‑gbaa bä: Nyɔsʋa Ebrööwii 'lɩ. «Sadaii» a ‑gbaa bä: 'Wʋsɔrɔnyɔɔ. Bakʋɛwii 'lɩ 'ii 'mrɛɛ 'i bä 'Nɩmrɛɛ Nyɔsʋa. . 'Nyɛrɛ 'na 'papawiia 'mlɩ, ‑nyɔɔ 'nyɩ 'kplara ‑mɩ wii 'plɔʋ! 2'Nyaa ‑mɔ ‑bɛ 'mɔɔa ‑tɔrʋpɩɔ kuö 'paa, 'kä 'nyaa 'iin nʋ ‑na 'jüa 'jü 'mä ‑sümlö 'kasa.» 3Abramë nya blö ‑tʋtʋ ‑gälɩ 'ɔnya ‑gbri 'wli 'kä; Nyɔsʋa ‑nëma: 4«‑Jää 'na kuö 'nyraa ‑mɔ 'paa': ‑nya 'plä 'kɔkɔmlɛa tʋ bäa. 5‑Na 'nyrɩ ‑ka ‑nëmä Abramë ‑a bä, ‑maa Abraamë#17.5 Abraamë: Ebrööwii 'lɩ Abramëa ‑gbaa bä: tʋlɔ 'bʋalaa'. 'Ɔa 'nyrɩ dëdrä Abraamëa ‑gbaa bä: 'plä 'kɔkɔmlɛa tʋ. ‑nëmä ‑mlatɩ bä; 'be 'nyaa ‑mɩ 'plä 'kɔkɔmlɛa tʋ 'lɩ nrörö#17.5 Rɔmënyüü 4.17.. 6'Nyaa 'ia 'sa nʋa ‑na 'jüa 'jü 'mä ‑sümlö ‑gböösa. 'Nyaa 'üün 'plä 'kɔkɔmlɛ 'lɩnröröa 'kä ‑nya 'kɩɩɩ ‑gu. 7'Nyaa ‑mɔ ‑bɛ 'mɔɔa ‑tɔrʋpɩɔ 'na kuö ‑tʋa, nyra ‑na 'jüa 'jü, nyra 'üa 'jüa 'jü, 'plɔʋ ‑plɔʋa ‑gʋ. 'Asɩ 'n bäa' ‑na Nyɔsʋa, 'asɩ 'n bä bɩa ‑na 'jülü ‑gua' nyra ‑mülü nëmäa' ‑mɩ dɛrɩ ‑glooro, 'üa Nyɔsʋa. 8‑Tʋtʋlʋ kʋa' ‑pɩ, u kä ‑gälɩ bäa' nyɔtugbanyɔɔ nɩ, Kanaan a ‑taa ‑tʋtʋlʋa 'fɩɔ 'nyaa ‑mɩ 'uun ‑nyɩa ‑mɔ ‑bɛ ‑na 'jüa 'jüa 'jü. 'Ünya 'uun käa 'plɔʋ ‑plɔʋa ‑gʋ, 'kä 'nyaa 'üa Nyɔsʋa bä#17.8 Akëtë 7.5..»
9Nyɔsʋa nya ‑gbala 'sɔɔwʋ Abraamë: «‑Mɔlɔ nɩ, ‑nyra ‑na 'jüa 'jü nyra 'üa 'jüa 'jü kä 'amä 'lɩ 'na kuö ‑träärä. 10‑Jää 'na kuölä 'amäa' 'lɩträärä: nyɩbɛjülü kä 'fɩɔ bäa' 'ana ‑tɔrʋpɩɔ kä 'ümä 'bölö#17.10 Akëtë 7.8; Rɔmënyüü 4.11.. 11'A kä 'amä 'bölö, 'a 'bölökʋlʋ 'uu bä kuöa tie ana ‑tɔrʋpɩɔ. 12'Asɩ 'imä 'lɩpɛprɛ 'plɔʋplɔʋ 'ana 'lɩgoglokʋ. Nyɩbɛjʋ 'kä 'ɔmä 'bölö 'ɔa jrüü ‑uuntääa ‑srɩ 'lɩ. 'I kä 'imä ‑na nyuköli nrörö: nyɔtugbanyɔɔ ‑sua' ɔnyɩa' ‑na nyɔɔ bä, ‑bɛ 'ɔ bäa' ‑na nyükölia ‑geei kä bɩa 'ɔmä 'bölö. 13‑Geei 'ü ‑glooroa' ‑na ‑nyɛɛ nyra ‑geeilɛ ‑sua', 'ü kä 'ümä bɩa 'bölö. 'Asɩ 'na kuö 'mä 'ana 'jajɛ 'lɩ bä ‑beere 'plɔʋplɔʋa kuö. 14Nyɩbɛrʋlɔ ‑nëmäa' 'bölö, 'ü kä 'ümä 'ɔɔn ‑gbööli prɛ, 'be 'ɔnyɩ 'lɩ 'na kuö ‑a ‑träärä.» 15Nyɔsʋa nya ‑gbala 'sɔɔwʋ Abraamë: «‑Ka ‑nëmä ‑na 'ŋlʋʋ Sarai ‑a were; 'ɔɔ bä mlatɩ Sara#17.15 Sara: Ebrööwii 'lɩ 'ia ‑gbaa bä: 'Kɩɩa 'ŋlëkayria.. 16'Nyaa 'ɔɔn 'nɩ 'paa, 'kä 'nyaa 'ɔɔn kälɩ ‑srörö 'kä 'nyaa ‑mɩ nyɩbɛjʋ ‑nyɩ. 'Nyaa 'ɔɔn 'nɩ 'paa 'kä 'ɔnya 'plä ‑gu, 'ɔa ‑guguö 'lɩ 'blɩ 'kɔkɔmlɛa 'kɩɩɩ 'mä sɔrɔ.» 17Abraamë nya blö ‑tʋtʋ ‑gälɩ 'ɔnya ‑gbri 'wli 'kä 'ɔnya si. 'Ɔnya 'pala plɛklɩ wii 'ɔ ‑nëma: «Nyɔɔ nyaa' ‑sɩa ‑glʋɩgböö (100) ‑si nɩ, 'jʋ 'plɛɛ 'ɔ ‑ka 'mrɛɛ 'ɔmä ‑gu le? Sara nya kä ‑sɩa ‑glʋɩmlɔɔ ‑bɛ ‑pʋ, 'jʋ 'plɛɛ 'ɔ ‑ka 'mrɛɛ 'ɔmä ‑gu le?» 18'Ɔnya ‑gbala Nyɔsʋa ‑maa: «'N bibie ‑mɩ, ‑gäälä Isëmaɛɛlë 'nyiöli!» 19'Iibäa' Nyɔsʋa nɩ: «‑Mä 'sɩ 'i 'nyɩ bä, ‑na 'ŋlʋʋ Sara nya ‑mɩ nyɩbɛjʋ ‑nyɩa, 'kä ‑nya 'ɔɔn Isaakë#17.19 Isaakë: Ebrööwii 'lɩ 'ia ‑gbaa bä: Si 'ɔ si. 'dara. 'Ɔɔ nyra 'mɔɔ 'mä 'na kuö 'pa; kuölä 'mäa' 'lɩwlɛ 'plɔʋplɔʋa ‑gʋ nyra 'ɔa 'jüa 'jüa ‑gʋ. 20Dɛɛlɛ bäa' Isëmaɛɛlë nɩ, 'n 'nu ‑na bibiekʋ 'wli. 'Nyaa 'ɔɔn 'nɩ 'paa 'kä 'nyaa 'ɔɔn 'jü 'kɔkɔmlɛ ‑nyɩ. 'Nyaa 'ɔa 'lɩgoglokʋ ‑gälɩ 'paplaa ‑gböösa. 'Ɔnya 'cifu ‑pʋ ‑bɛ 'sɔɔ ‑gua. 'Nyaa 'ɔɔn 'plä kpaköa tʋ 'lɩnröröa. 21‑Maa Isaakë, 'nyraa 'ɔɔn 'mä 'na kuö 'pa, 'jʋlɔ Sara nëmäa' ‑mɩ ‑nyɩ ‑sʋlʋ jöa' 'ia 'samaa 'taɩn 'doolʋa 'mlɩ.» 22'Ɔ bɩaa' Abraamë wii ‑gbapalakʋ nɩ, Nyɔsʋa nya tɩ ‑plɩɩ 'ɔɔn 'ɔnya 'jra.
23'Ia ‑srɩ 'doolʋa 'mlɩ nɩ, Abraamë nya dɔrɔ 'ɔa 'jʋ Isëmaɛɛlë 'wʋ, nyra nyüülü kä 'fɩɔ 'ü ‑glooroa' 'ɔa ‑nyɛɛ, ü kä 'fɩɔ 'ɔ ‑sua', ü kä 'fɩɔ bäa' nyɩberü, 'ɔnya 'bö 'ümɩ 'sɩrɩ Nyɔsʋa 'daaa' ɔ nʋa'. 24Abraamë kä kä ‑sɩa ‑glʋɩmlɔɔ ‑bɛ ‑pʋ ‑sɩ ‑uunmlɔɔ 'ünya 'bö 'ɔmɩ. 25'Ɔa 'jʋ Isëmaɛɛlë kä kä ‑sɩ ‑pʋ ‑bɛ tää 'ünya 'bö 'ɔmɩ. 26'A ‑srɩ 'doolʋa 'mlɩ 'ü 'bö Abraamë nyra 'ɔa nyɩbɛjʋ Isëmaɛɛlë. 27Nyüberülü kä 'fɩɔ bäa' 'ɔa ‑nyɛɛ, 'palɩ ü 'ü ‑glooroa' 'ɔa ‑nyɛɛ nyra ‑mülü 'ɔ ‑srooroa' nyɔtugbabre, 'ü 'bö 'üa 'fɩɔ, 'ü nyra 'ɔɔn 'sɔ.
Избрани в момента:
Jenɛɛsë 17: Bakwé
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Wycliffe Bible Translators, Inc.