Maatoosa 2
2
Awa kess baggapp ye7eez asita
1Kaat Herodoosa wode Yesuusa Yihuda biitta Beeteleme katama yelintteezaypp guye xoolintto filagizitay awa kess baggapp Yerusalaame yi7ii, 2«Yelintteez Ayihuditay kaatay aba yenee? Nu awa kess baggar kezeez xoolintto bi7ii ezisi goynnodayis ye7eeza» yeegii oycceeza.
3Kaat Herodoosa yeya si7ii dagameeza. Yerusalaame yez as ubbaykka dagameeza. 4Herodoosa qeese halaqitannee higge asitamaarita faako xeegii «Kiristtoosa aba yelinttodeshsha?» yeegii unttan oyceeza. 5Unttikka, «Yihuda Beeteleme nabay,
6« ‹Yihuda yez Beeteleme,#Mika. 5:2
Yihuda yez gade aqisizitaypp,
ne abarakka kawuzhooya.
Ta woya Isreele haarizay,
neepp kezoda eekka ta woya Isreele heenggiza maaqqada›
gi xaafeeza» yeegeeza.
7Yeypp guye, Herodoosa awa kess baggapp ye7eez asita geemar xeegii, xoolintto u be7eez layitha unttapp lo7ithii oyicii ereeza. 8E unttan Beeteleme dakkittar, «Yhanigii yelintteez na7a miinthii kozhoytta; eza yi denggiko taakka yhanigii ezisi goynnodgarkk maaqqittar taasi odoytta» yeegeeza. 9Unttikka kaatay Herodoosa odeezana si7ii qiteeza. U awa kess baggar be7eez xoolinttay unttan kaalithittar na7ay yeza aqayid eqqod hellodayis kanggii heltheeza. 10U ye xoolintta bi7ii aqopp aath ufayss ufaytteeza. 11Kara gelii na7ay fa indat Mayramir yezana be7eeza. Ees xuggunii goynneeza. Fa saaxina dooyii worqqera, ixaanerannee karbera eesi inggeeza. 12U Heroodosako guye maaqqaamay garkk Xoossay abukkar unttis odin, hara oger fa biitta maaqqeeza.
Na7a ekkii Gibxxe qosintto
13Awa kess baggapp ye7eez asay qiteezaypp guye, Goday kiitanchchay Yooseefas abukkar benttii, «Herodoosa na7ana wodhodayis koyizigishos denddoba; ellisii na7ayira na7ay indatira ekkii Gibxxe biitta yhanigoba. Ne maaqqad gallasa nees odod gatho ezayid gam7oba» yeegeeza.
14Yey gishos, Yooseefa qammar denddii, na7ayira na7ay indatira ekkii Gibxxe yhanigeeza. 15Nabe doonar Xoossay, «Taanii, ta na7a, Gibxxe biittapp xeegeeza»#Hosa. 11:1 ginttintteez qaalay polinttod garkk Herodoosa yhayqqod hellodayis E ezayid gam7eeza.
16Yeypp guye, awa kess baggapp ye7eez asay eza dooshsheezana erii iita yiloteeza. E tiin unttapp si7eezay garkk Beetelemennee ye heera yez nam77ii laythi kumezitannee nam77ii laythapp sulle yez dhiirath na7ita ubba fa wotaaddarita dakkii wodhiseeza.
17-18Nabe Ermaasa doonar,
«Yeefonnee zelalisii,
Raama sintteeza.
Iraheela fa na7itayis yeekkiza;
u yhayqqeez gishos
Minggodayis danda7ekkaya»
gi odeezay polintteeza.#Erim. 31:15
Gibxxepp Naazirete maaqqith
19Herodoosa yhayqqeezaypp guye Goda kiittanchchay Yooseefas Gibxxe abbukkar benttii, 20«Na7a wodhodayis koyizitay yhayqqeez gishos denddii na7ayira na7ay indatira ekkii Isreele biitta maaqqoba» yeegeeza.
21Yooseefa denddii na7ayira na7ay indatira ekkii Isreele biitta maaqqeeza. 22Zin Arkkiloosa Yihudal fa aday Herodoosa aqo kawuteezana si7ii ye aqa yhammadayis yashitteeza. Xoossay abukkar eza beezin Galila biitta yhanigeeza. 23Nabitay doonar, «Naazirete as ginttinttoda» gi odintteezay polinttod garkk Naazirete katama yhanigii ezayid gam7eeza.#Mar. 1:24; Luq. 2:39; Wan. 1:45
Избрани в момента:
Maatoosa 2: MeloNTL
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
The Word for the World Ethiopia