Kumsada 7
7
Diluviu
1Dipus SIÑOR fala Noe: “Yentra na barku, abo ku tudu bu familia, pabia N ojau justu na metadi di jinti de tempu. 2Leba ku bo seti macu ku seti femia di kada koldadi limaria ku ta roniadu#Sir 11; Lei 14.1-21 ku el, o ku ta kumedu, bu leba dus (macu ku femia) di kada koldadi limaria ku ka ta roniadu ku el, nin i ka ta kumedu. 3Bu toma tambi seti macu ku seti femia di kada koldadi kacu, pa bu guarda elis bibu pa e pudi kontinua padi na tera. 4Si seti dia pasa, N na manda cuba na tera korenta dia ku korenta noti. N na kaba ku tudu kriatura bibu ku N kumpu na tera.”
5Noe fasi tudu#Kap 6.22 kil ku SIÑOR mandal.
6Noe teneba idadi di seizentus anu oca ku diluviu di yagu bin na tera. 7Noe#Mat 24.37-39; 1 Ped 3.20; 2 Ped 2.5 yentra na barku, el ku si fijus, si minjer, ku minjeris di si fijus, pa pudi kapli di yagu di diluviu. 8-9E yentra tambi na barku ku Noe, dus dus, macu ku femia, di limarias, kilis ku ta fasidu ronia ku kilis ku ka ta fasidu ronia, ku kacus, ku limarias ku ta rasta, suma ku Deus manda Noe. 10I pasa seti dia; yagu di diluviu kai riba di tera.
11Na anu 600 di vida di Noe, na dia 17 di sugundu mis, na ki mesmu dia, i rebenta tudu fontis di koba fundu, i yabri#Kap 8.2; 2 Re 7.2,19; Mal 3.10 janelas di seu. 12Cuba cubi na tera korenta dia ku korenta noti.
13Na ki mesmu dia, Noe yentra na barku, ku si fijus Sen, Kan ku Jafé, ku si minjer, ku minjeris di si tris fiju. 14Tudu limarias di matu suma se koldadi, ku tudu koldadi limaria di kasa, ku tudu koldadi limaria ku ta rasta na con, ku tudu koldadi kacu, ku tudu bicu ku tene asa — 15tudu limarias ku tene folgu di vida, e yentra dus dus pa Noe na barku. 16E yentra macu ku femia di tudu limarias ku tene vida, suma ku Deus manda Noe. SIÑOR fica porta pa fora.
17Diluviu kontinua korenta dia; yagu inci, i boianta barku riba. 18Yagu kontinua na inci riba di tera. Barku na boiaba riba di yagu. 19Yagu kontinua na inci tok i kubri#2 Ped 3.6 tudu monti altu ku sta bas di seu. 20I inci tok i paña seti metru riba di montis. 21Tudu limarias bibu ku staba na tera muri, suma kacus ku limarias di kasa, ku di matu, ku tudu kilis ku ta rasta na con, ku tudu jinti. 22Tudu kusas ku staba na kau seku ku teneba folgu di vida na se naris, e muri. 23Tudu kriatura bibu ku staba na tera i kabadu ku el; jinti, ku limarias, ku kilis ku ta rasta, ku kacus di seu, e kabadu ku el. Noe fika el son, ku kilis ku staba ku el na barku.
24Yagu inciba na tera sentu i sinkuenta dia.
Избрани в момента:
Kumsada 7: povB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 1993-2020, Instituto de Tradução e Alfabetização