लूका 4:9-12

तब सइतान यीसु काहीं यरूसलेम मन्दिर माहीं लइ जाइके मन्दिर के गुम्मट माहीं ठाढ़ किहिस, अउर उनसे कहिस, “अगर तूँ परमातिमा के लड़िका आह्या, त अपने-आप काहीं इहाँ से नीचे गिराय द्या। काहेकि पबित्र सास्त्र माहीं इआ लिखा हय, ‘परमातिमा तोंहरे खातिर अपने स्वरगदूतन काहीं हुकुम देइहँय, कि ऊँ तोंहार रच्छा करँय’, अउर ‘ऊँ तोहईं उपरय लोक लेइहँय, कहँव अइसा न होय कि तोंहरे गोड़ेन माहीं पथरा से चोंट लगि जाय।” यीसु सइतान काहीं जबाब दिहिन, “पबित्र सास्त्र माहीं इहव लिखा हय, कि: ‘तूँ अपने प्रभू परमातिमा के परिच्छा न किहा’।”