Amatiyu 6:16-18

Omba bimi e la e nyom eshri algo le, agimi e kpu eyayi rba-rba eka moa la a la a nyom egʼba a kpo mbo. Moa a la a dzi la eyayi ba embyle okyku o da areyaŋ a mbo a yi ba moa a la a nyom eshri algo. Agimi e ka! Moa a sheŋ a hwiŋ egbre mo a bli bgu. Omba ba bimi e la e nyom eshri algo le, agimi e ndza ayi bimi, nga e se eshri bimi adzadzi, okyku o da arekyeŋ a yi bimi e la e nyom eshri algo mbo, okyku o da Adigimi ba moa a la a ka ŋa mbo sha angyiŋ a yi. Adigimi la a la a ka esõ nga, á shri egbre á shri á da gimi.