Génesis 6:1-4

Maypachachus kay pachapi runakuna mirayta qallarerqanku chaypacha, warmi wawakunayoj karqanku. Diospa churinkunarí runakunaj ususinkuna k'achita kasqankuta rikuspa, casaranankupaj munasqankuman jina ajllakorqanku. Chayta rikuspa, Tata Dios nerqa: Runakuna kay pachapi wiñaypaj kawsanankuta mana saqesajchu, imaraykuchus paykunaqa wañoj runalla kanku. Chayrayku 120 watallataña kawsanqanku, nispa. Chantá Diospa churinkuna runakunaj ususinkukunawan casaraspa, wawayoj karqanku, wawankukunataj jatunkaray runakuna karqanku. Paykuna chaypacha, jinataj qhepanejman manchay kallpayoj, manchay uyarisqataj karqanku.