Marcos 4
4
Kjuíncheyóe̱xin chꞌin Jesús jnko chojni tꞌe̱nka̱
(Mt. 13:1-9; Lc. 8:4-8)
1 #
Lc. 5:1-3. *Ndá chꞌin Jesús kjuankíxin kjuako chꞌan chrínta ti nda̱ñao ínaá. La ntiha kónkotsé nchónhña chojni ndá kꞌui̱tꞌótjen chꞌan ijnko ntabarco tjenkátaón ìnta̱, ndá kjuákꞌetja̱xi̱n chꞌan. La kaín ti sin tsíkónkotsé mé tjejóxin to̱té chrínta nda̱ñao. 2La nchónhña nkehe nixja chꞌan la ko kjuíncheyóe̱xin chꞌan. Ndá ndáchro chꞌan:
3―Tihínra tíhi: Ijnko chojni sákjuikꞌe̱nka̱ no̱nte̱e. 4La ti ó tꞌe̱nka̱ chꞌan la iso ti noatje la xèjin nti̱a, ndá ti ikui koxroxe la kjónie va ti noa. 5A̱ndá íso ti noa mé kꞌuitjí chríkꞌá ixro̱ ti kohya itsjé inche, ndá tjoka kꞌuaña kixin tjínhña chónta inche. 6Kjánchó ti ó kjui̱to̱n ña̱o, la chjánxin sóa la xámá kixin ni̱nkahya chónta ti nuèé. 7A̱ndá íso ti noatje la kꞌuitsínkakꞌá ti siín kachꞌi̱, la ti kachꞌi̱ kꞌuánkí, ndá ti ino la í kꞌuánkíhya kixin kꞌuíxitja ti kachꞌi̱. 8A̱ndá íso ti noa kꞌuitjí ti inche jína la kꞌuaña, la kꞌuánkí nte̱to la kꞌóna jína, mé ijnko noatje la kꞌóna treinta ñeno noa, a̱ndá íjnko la kꞌóna sesenta ñeno noa, a̱ndá íjnko la kꞌóna ijnko ciento ñeno noa.
9Ndá ndáchro chꞌan:
―Ti nkexro tjinkaon tsihin la chrókuihin jína.
Nkehe tꞌaxrjexín ti noa kꞌuitjí
(Mt. 13:10-17; Lc. 8:9-10)
10Ndá chrꞌéxi̱n, ti ó jehó chꞌin Jesús itjen, la ti teyó sin la ko ti sin tjejó chjinaxón mé kjuanchankíhi sin chꞌan nkehe tꞌaxrjexín ti nkehe chrónka chꞌan. 11Ndá ndáchro chꞌan:
―Jahara la Díos mé tsjinki̱tsa tso̱nohara ti nkehe tienxínhña chojni kuènté ti kjuachaxin tꞌe̱to̱axín Díos, a̱ndá ti sin titekakonhña la ó kjui̱ntayoáxián kaín nkehe kuíhin sin. 12#Is. 6:9, 10.*Kixin kjónté tjejótsjehe sin la tꞌikonhña sin, kjónté tjejótihin sin la tienxínhña sin kixin ti chrókienxín sin la chrókjuinkí sin ti nkehe tjenka̱yáxin sin la chrókjuìin ti ijie̱ chónta sin ―ichro Jesús.
Jesús chrónkaxín nkehe tꞌaxrjexín ti itje kꞌuitsínka
(Mt. 13:18-23; Lc. 8:11-15)
13Ndá ndáche chꞌan sin:
―¿Á kíenxinhñara nkehe tꞌaxrjexín ti nkehe kjui̱ntayóa̱xian ní? Ti náhí la, ¿nkexrín chrókiénxinra ti íso nkehe si̱ntayóa̱xián? 14Ti nkexro sákjuikꞌe̱nka̱ ti noatje mé ti nkexro tjako itén Díos. 15Ti noatje xèjin chrínta nti̱a la tꞌaxrjexín ti chojni tihin itén Díos, ndá chrꞌéxi̱n itji ti Jínahña nchekꞌitjáña ti itan jína kuíhin sin. 16A̱ndá ti noatje kꞌuitsínkakꞌá ixro̱ mé tꞌaxrjexín ti nkexro tihin itén Díos ndá tjoka tóxríhi̱n la chéhe̱ titekaon. 17Kjánchó ni̱nkahya chónta nuèé, la séhya tjacha kixin ti ó itsi ijnko kjuaxikaon o̱ kjuaxróxinhña kixin titekaon sin ti itan jína, la tuénxín tsíto̱he sin Díos. 18Ti noatje xèjinkꞌá kachꞌi̱ mé tíha ti sin tihin itén Díos, 19kjánchó na̱xa̱ imá tóxakohen sin ti nkehe siín chjasintajni la ko tóxríhi̱n sin ti nkehe tjete la ko tjinkaon sin tsochónta sin itsjé nkehe. Kaín tíha mé tꞌinkákohe̱n ti itén Díos kuíhin sin, la xi̱kaha xitjahya sichꞌehe sin ixra̱ Díos. 20A̱ndá ti noatje kꞌuitjí ti inche jína mé ti sin tihin itén Díos ndá titekaon sin, la xi̱kaha jína chꞌehe sin xra̱ Díos. Éxi noatje kꞌóna treinta ñeno noa la ko íso la kꞌóna sesenta ñeno noa la ko ti kꞌóna ciento ñeno noa mé xi̱kaha tꞌánkí ti ixra̱ ichꞌe sin.
Kohya nkehe ómó chrókónoxínhña
(Lc. 8:16-18)
21 #
Mt. 5:15; Lc. 11:33. *Kja̱xin ndáchro chꞌin Jesús:
―¿Á ti tsꞌákjen ijnko xrohi la chrókjuakꞌema chrínkí ntacajón o̱ chrínkí cama? Kjá náhí. Ti xrohi la noi tsjakꞌe kixin tsꞌinkaséñexín ti chojni tjejó nkaxehen. 22#Mt. 10:26; Lc. 12:2.*Kixin kohya nkehe ómó tjejó chrókónoxínhña chrꞌéxi̱n, la ko nijnko nkehe ómó ichꞌe chojni chrókónoxínhña chrꞌéxi̱n. 23Ti nkexro tjinkaon tsihin la chrókuihin jína tíhi ―ichro chꞌan.
24 #
Mt. 7:2; Lc. 6:38. *Kja̱xin ndáchro chꞌan:
―Chrokjuénka̱yáxinra jína ti nkehe tjejotihínra. Ti nkehe tjácho̱ara jahara la Díos tsjácho̱ahara xi̱kaha la ko tsjajon chꞌan a̱ntsí. 25#Mt. 13:12; 25:29; Lc. 19:26.*Ti nkexro chónta nkehe la a̱ntsí tsꞌáyéhe̱. A̱ndá ti nkexro chóntahya, la kjónté ti intsí chónta sin tsꞌaxrjehe sin.
Chꞌin Jesús kjuíncheyóe̱xin jnko itje
26Kja̱xin ndáchro chꞌin Jesús:
―Ti kjuachaxin tꞌe̱to̱axín Díos mé yóhe̱ éxi jnko chojni sátsjikꞌe̱nka̱ no̱nte̱e. 27Ndá tꞌajua chꞌan la tꞌàya chꞌan. La xi̱kaha tꞌatsínka ña̱o la ko tie, ndá ti itje la tꞌaña la tꞌánkí. A̱ndá ti nkexro kꞌue̱nka̱ la noehña nkexrín kóhen tíha. 28Mé xi̱kaha ti nonte la jehó kjuíchꞌe ixra̱. Senó kꞌuaña ti ino, ndá kuiá, ndá kꞌóna ti noa; 29#Jl. 3:13.*a̱ndá ti ó tsi ti ña̱o tsotjá sin, la ti nkexro ichꞌe ixra̱ la tsakjijin ti noa.
Éxi itje mostaza
(Mt. 13:31-32; Lc. 13:18-19)
30Kja̱xin ndáchro chꞌin Jesús:
―¿Nkehe chrókjuincheyóhe̱ni ti kjuachaxin tꞌe̱to̱axín Díos, la ko nkehe chrókóyóe̱xin? 31Tíha mé éxi ti itje mostaza, ti ó xenkaxín la jehó jnko itje intsí ke kaín ti itje siín chjasintajni. 32Ndá ti ó tsꞌaña la tsꞌánkí imá nte̱to, ke ti íso nta, la ti chaon la imá ijié tsꞌánkí, la hasta ti koxroxe xritjaká la jína sichꞌéna va ka̱ké va chríkꞌá ti inta tsꞌuan.
Nkekuènté kjuíncheyóe̱xin chꞌin Jesús ti níxja
(Mt. 13:34-35)
33Mé xi̱kaha chꞌin Jesús kjua̱ko̱he̱ kaín ti chojni la kjuíncheyóe̱xin chꞌan nchónhña nkehe, la kjuako chꞌan kaín ti nkehe chrókjuacha sin chrókienxín sin. 34Kaín nkehe kjuako chꞌan la kjuíncheyóe̱xin chꞌan. A̱ndá chrꞌéxi̱n la chenka chꞌan ti sin kꞌuájiko chꞌan nkehe tꞌaxrjexín kaín tíha.
Chꞌin Jesús kjuinchekꞌixratán ti xri̱nto̱ la ko ti ìnta̱
(Mt. 8:23-27; Lc. 8:22-25)
35Ti ó kóntó, la ndáche chꞌin Jesús ti sin kꞌuájiko chꞌan:
―Sátsjini tóhe ti nda̱ñao.
36Ndá kuíto̱he sin kaín ti chojni la sákjuíko sin ti ntabarco kjuákꞌetja̱xi̱n chꞌan kjuako chꞌan la ko íso ntabarco chréhe̱ sákjuí. 37Ndá xrína̱hña imá chjéhe xri̱nto̱, la síchriká ti ìnta̱ tꞌixehen ti ntabarco, la ó chjina chrókꞌuaniánkí ìnta̱ ti ntabarco. 38Ndá chꞌin Jesús la tjejua chꞌan nóton ti ntabarco, tjekjón chꞌan ijnko ika. La kjuínchekjaye̱he̱ sin chꞌan, la ndáchro sin:
―¡Maestro! ¿Xá ándo̱sán kjónté ó tsꞌitjáñani, tsꞌaniánkíni ìnta̱ ní?
39Ndá chꞌin Jesús kꞌuàya, la kꞌue̱tue̱hen ti xri̱nto̱ la ko ti nda̱ñao kixin tsꞌixitán, ndáchro:
―Tániá, tjakꞌetá.
Ndá ti xri̱nto̱ la ko ti ìnta̱ la kꞌuixratá. 40Ndá kjuanchankíhi chꞌan ti teyó sin, ndáchro chꞌan:
―¿Nkekuènté imá chrakonra? ¿Á chaxínhña titekáonra Díos ní? ―ichro chꞌan.
41Ndá jehe sin la imá chrakon sin la ikjo sin kícho sin:
―¿Xá nkexro tíhi? Kixin kjónté ti xri̱nto̱ la ko ti nda̱ñao la titekaon.
Избрани в момента:
Marcos 4: poeNTplus
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2016, Wycliffe Bible Translators, Inc. All rights reserved.