Gênesis 8
8
Deusũ henewẽ hatu kupishina netsui eskanikiaki, na hãtxarã
1Hanua Noé inũ yuinaka betsa betsapa sharabu shashu nunuti merã Noébe hiweyuabũ Deusũ hatu shinãkĩ hene tsusĩ wãkĩ taewakĩ niwe shũku imaya hene netsui taekainaya 2mai meranua hene ana tueama inũ Deusũ ui nemakĩ nai anuari nese waya 3hanua hene unãshubira netsui taekainaya hanua 150 shaba binukaini netsukũkaini taei 4hanu ma ushe 7kẽ inũ shaba 17tiã hanu shashu nunuti Ararate Mati tsauakeakea mamaki dakakẽ 5hene ma netsukũkainaya ha ushe tibi tashnikũkainaya 10ki niaya hatiã hawẽ dia ha dukũ taeaya ha mati hawẽ buru keyatapahaira ma tashnia betxitã
6hanua ana 40 dia shaba binuaya hanushũ uĩti shui waima Noẽ bepẽtã 7yuinaka betsa peiya meshupa nitxiã nuya atãkĩ hau hene netsutã tashkayunũ manai ana huamakẽ 8-9hanushũ Noẽ ana shinãtã: “Ma mai tsusĩmẽkaĩ, hau hatũri uĩtanũ”, iwanã, Noẽ deiwã nitxiã nuyakauãkĩ uiã dasibi mai anu netsuriamakẽ hani bututima ana txĩtũkirani shashu nunuti anu ana huaya Noẽ hawẽ mekẽ sanãshuna haki tsaua nunuti merã ana bitxitã 10hanushũ ana 7 shaba Noẽ manatã deiwã ana nitxiã ka 11bari kai meshuaya ana deiwã txĩtũkirãkĩ ni pei bei Noéki nukuaya uĩkĩ yuikĩ: “Habaa! Ni pei bena tukũbiranibikaĩ!” hatu wa haskawẽ taea: “Mai tsusĩki”, ikĩ hene ma netsuai Noẽ unãkĩ 12ana 7 shaba manatã deiwã ana nitxiã ka ana huama haribi niti inikiaki.
13Hanua Noé 601 ano ma hayakẽ hatiã hene netsui keyukẽ ha haskairã, bari bena ushe ha dukũ dia iki taeaitianã, hawẽ shashu nunuti hawẽ mabepu pekakĩ bepẽ keyutã mai ma tsusiã uĩtã 14ana habias bari ushe 2 dia 27 tiã mai ma tãki keyukẽ 15-16habiatiãri Deus Noébe hãtxakĩ yuikĩ: “Nunuti anua kaĩrikãwẽ, mia inũ, mĩ aĩ inũ, mĩ bakebu inũ, mĩ babawanã. 17Yuinaka pitibu inũ, pitibuma inũ, habu mã ina waisma inũ, habu mã ina wamis yuinaka betsa betsapa tibi inũ, nutawẽ sharai mapumisbu inũ, peiyaburã, dasibi kaĩmariwe, haburi mai hirabi anu hau bua haria bakeyai paritanũbunã”, aka 18Noé hawenabube kaiãyã 19yuinaka mani betsa tibi shashu nunuti meranua habiaskariai kaĩbainibukiaki.
20Hanushũ Noẽ Senhor Deus kẽwãkĩ eska wanikiaki. Mishki txi tapu wakĩ mishki itxawakĩ maspu watã yuinaka pitibu betsa betsapa tibi bishũ tesẽshũ txi tapu anushũ menukĩ kua keyuaya 21hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.
22Hanua mai hirabi pe iyuaya eskayukũkaĩshanikiki.
Mibã banati pe inũ yunu tsekati pe ipakeshanikiki.
Bari kui inũ matsi ikũkaĩshanikiki,
bari pakei inũ ui pakeirã.
Shaba hui penai inũ meshu hui bari kairã,
haskai dasibi ikũkaĩshanikiki”, inikiaki.
Избрани в момента:
Gênesis 8: cbsBR
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.