Mataio Mataio vaḡa-foforina guruḡari
Mataio vaḡa-foforina guruḡari
Mataio arana ta tu Levi. Ḡia tovotovonai tu takesi gogo tarimana, senaḡi Iesu na ekeaiato, benamo ḡena mero ai eiaḡoto.
Ḡia tu Iuda tarimana, ma mai Vari Namona tu Iuda tarimari ḡeri etoreato.
Ḡia na Iuda tarimari ekirarito, Iesu tu moḡoni Barau na ekiraḡi-toreato Kerisona o vevaḡa-maḡuri verena. Ginitaḡo Guinena o Old Testament ai Keriso beiaḡomani guruḡana ḡetoreato tu varau bema moḡoni. Barau ḡena guruḡa tauri mabarari tu beḡe vetoreni veḡata (Mataio 5:17). Mataio na ḡena Vari Namona nuḡanai Keriso varina Old Testament ai ḡekiraḡi-toreato guruḡari ḡutuma ma ema torerito anina tu moḡea.
Mataio na mai buka tu laḡani 58 ema 70 fakari ai etoreato, mo tu Iesu emaseto murinai.
Mataio ḡena toretore tu maiḡesina eboioḡaiato:
1. Iesu aiḡesina eiaḡomato besena ema ḡena maḡuri varina - karoa 1-2
2. Ḡena vetuḡunaḡi ḡauveina bene sinaia ḡana tauḡena everovinato varina - karoa 3:1–4:11
3. Ḡena ḡauvei esinaiato, evevaḡa-ribato, eḡobatato, e keve evaḡa-namorito variri - karoa 4:12–25:46
4. Ḡena midigumidigu varina - karoa 26-27
5. Mase na evariḡisi-ḡenoḡoito ema ḡena mero etuḡurito variri - karoa 28
Избрани в момента:
Mataio Mataio vaḡa-foforina guruḡari: sncNT
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 1995, Wycliffe Bible Translators, Inc. All rights reserved.