Zlr 36
36
Zwana Ghesav
1Wya rusa ta ghəŋa mndəra la Ghesav, Idum ya. 2Ka hlaftá Ghesav ta miʼa ni mataba kwagha la Kanʼana. Ghada, makwa Iluŋ la Het, nda Uhulibama, makwa Ghana, Ghana makwa Tsivghuŋ, la Hiv, 3nda Basmat, makwa Yismaghel, tsatsi makuma ni ma Nevayut guli. 4Ka yanatá Ghada ta Ilifaz ta Ghesav, ka yanatá Basmat ta Rəghuʼel. 5Ka yanatá Uhulibama ta Yəghus nda Yaghlam nda Kurah. Tsaha ya zwana Ghesav yaya lu ta haɗika Kanʼana.
6Ka hlaftá Ghesav ta miʼa ni nda zwana zgwana ni nda kwagha ni, nda inda gwal ga taŋ, nda slaha ni, nda inda rina ni, nda inda skwiha mutsaf tsi ta haɗika Kanʼana, ka laghwi ta sana haɗik, diʼiŋ nda Yakubu ta nzakway ka zwaŋama ni ya. 7Dagala skwa dzvu da həŋ katakata, laviŋ a həŋ ta nzata ma vla turtuk wu, laviŋ a tsa haɗik ta nzaku həŋ mida ya ta ŋaftá wu, kabga dagala bra rina taŋ. 8Ka laghu Ghesav nzata ta ghwá Seghir. Ghesav ná, Idum ya.
Mndəra la Ghesav
9Wya rusa ta ghəŋa mndəra la Ghesav, da ni ma la Idum ma ghwá Seghir. 10Wya hga zwana Ghesav: I Ilifaz zwaŋa Ghada markwa Ghesav, nda Rəghuʼel zwaŋa Basmat markwa Ghesav. 11Wya zwana Ilifaz: Temaŋ nda Umar, nda Tsəfu, nda Gaghtam, nda Kənaz. 12Ka nzatá Timna ka markwa sanagha ga Ilifaz, zwaŋa Ghesav, ka yanatá tsi ta Ghamalek ta Ilifaz. Tsaha ya zighiha Ghada, markwa Ghesav. 13Wya zwana Rəghuʼel: I Nahat, nda Zerah, nda Sama, nda Miza. Tsaha ya zighiha i Ghesav nda markwa taŋ Basmat. 14Wya zwana Uhulibama makwa Ghana. Ghana markwa Ghesav ná, makwa Tsivghuŋ. Ka yanatá tsi ta Yəghus ta Ghesav nda Yaghlam nda Kurah.
Mala ga həga ga Ghesav
15Wya mghamha ma mndəra la Ghesav: Zwana Ilifaz, zumala Ghesav. Mgham Temaŋ, mgham Umar, mgham Tsəfu, mgham Kənaz, 16mgham Kurah, mgham Gaghtam, mgham Ghamalek. Tsaha ya mghamha ta yagapta ma mndəra la Ilifaz ma haɗika Idum. Tsaha ya zwana Ghada.
17Wya zwana Rəghuwel, zwaŋa Ghesav: Mgham Nahat, mgham Zerah, mgham Sama, mgham Miza. Tsaha ya mghamha ta sabi ma mndəra Rəghuʼel ma haɗika Idum. Tsaha ya zwana Basmat markwa Ghesav.
18Wya zwana Uhulibama, markwa Ghesav: Mgham Yəghus, mgham Yaghlam, mgham Kurah. Tsaha ya mghamha ta sabi ma mndəra la Uhulibama, makwa Ghana markwa Ghesav. 19Tsaha ya zwana Ghesav, tsaha ya mghamha ta uʼa taŋ. Ghesav ná, tsaya Idum.
20Wya zwana Seghir, la Huri taŋtaŋa gwal ta nzata ta tsa haɗik ya: I Lutaŋ, nda Suval, nda Tsivghuŋ, nda Ghana, 21nda Disuŋ, nda Itser, nda Disaŋ həŋ. Hahəŋ mgham ma la Huri zwaŋa Seghir ta haɗika Idum. 22Wya zwana Lutaŋ: I Huri nda Hemam. Timna makuma ni ma Lutaŋ. 23Wya zwana Suval: Ghalvaŋ, nda Manahat, nda Gheval, nda Sefu, nda Unam. 24Wya zwana Tsivghuŋ: Aya nda Ghana. Tsa Ghana ya ta slanaghatá dzuɓay nda fwa ma mtak ta nghə həŋ ta kəɗiha Tsivghuŋ ta nzakway ka da ni. 25Wya zwana Ghana: Tsaha ya i Disuŋ nda Uhulibama, makwa Ghana. 26Wya zwana Disuŋ: Tsaha ya i Hemdaŋ, nda Isbaŋ, nda Yitraŋ, nda Kəraŋ. 27Wya zwana Itser: Tsaha ya i Bilhaŋ, nda Zaghavaŋ, nda Ghakaŋ. 28Wya zwana Disaŋ: Tsaha ya i Ghuts, nda Araŋ.
29Wya mghamha la Huri: Mgham Lutaŋ, mgham Suval, mgham Tsivghuŋ, mgham Ghana, 30mgham Disuŋ, mgham Itser, mgham Disaŋ. Tsaha ya mghamha la Huri ta uʼa taŋ ta uʼa taŋ ta haɗika Seghir.
31Wya hguha mghamha ta gutá mgham ta haɗika Idum, ma kɗaku mghamha zlraftá gá mgham ta ghəŋa la Israʼila. 32Belagh zwaŋa Bəghur, ta ga mgham ma Idum, hga tsa luwa ga mghama ni ya ná, Diŋhava ya. 33Ka mtutá Belagh. Ka lam Yuvav zwaŋa Zerah mnda la Butsra da gá mgham ma vla ni. 34Ka mtutá Yuvav ka lam Husam mnda haɗika la Temaŋ da gá mgham ma vla ni. 35Ka mtutá Husam, ka lam Hadat zwaŋa Bədat da gá mgham ma vla ni. Tsatsi ta zatá ghwa ta ghəŋa la Midyaŋ ma daɓiha Muwav. Ghavit hga luwa ni. 36Ka mtutá Hadat, ka lam Samla mnda la Masəreka da gá mgham ma vla ni. 37Ka mtutá Samla, ka lam Sawulu mnda la Rəhuvut ta wa zala Yufratis da gá mgham ma vla ni. 38Ka mtutá, Sawulu, ka lam Baghalʼhanaŋ zwaŋa Ghakbur da gá mgham ma vla ni. 39Ka mtutá Baghalʼhanaŋ zwaŋa Ghakbur, ka lam Hadar da gá mgham ma vla ni. Paghu hga luwa ni. Məhetaveʼel hga markwa taŋ, makwa Matret, zigha Meʼzahav.
40Wya hguha mala ga həgaha ma mndəra la Ghesav, ta uʼa taŋ ta uʼa taŋ, nda kwakwara taŋ, nda kwakwara taŋ, nda hga taŋ nda hga taŋ: Timna, nda Ghalva, nda Yətet, 41nda Uhulivama, nda Ila, nda Pinuŋ, 42nda Kənaz, nda Temaŋ, nda Mivtsar, 43nda Magdiʼel, nda Ghiram. Tsaha ya mala ga həgaha la Idum, nda vla nzakwa taŋ nda vla nzakwa taŋ ta haɗika taŋ. Ghesav ná, tsaya dzidza la Idum.
Избрани в момента:
Zlr 36: xed
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© Wycliffe Bible Translators, Inc. All rights reserved.