Dehet deng Apan-kloma ki in Dadi ka 10
10
Noh nol Yafet in hua-koet tas
1Hidi deng ui tene ka kon nam, Noh anan nas: Sem, Yafet nol Ham haup in hua-koet.
2-5Yafet in hua ngas, Gomer, Magog, Madai, Yawan, Tubal, Mesek nol Tiras. Mesa-mesam nonool un dasi-dehet esa, ngala esa, nol oen dale esa.
Gomer in hua-koet tas, Askenas, Rifat nol Togarma.
Yawan in hua-koet tas, Elisa, Tarsis, atuli-atuil Kitim mas, nol atuil Dodanim man in daad lo-lool tasi suut ta ngas.#10:4: Muik in dula blaan tenga las dul noan, ‘Rodanim’.
Ham in hua-koet tas
6Ham in hua-koet tas, Kus, Misraim, Put nol Kana'an.#10:6: Kus na mo ‘Etiopia’. Misraim na mo ‘Mesir’.
7Kus in hua-koet tas, Seba, Hawila, Sabta, Raema nol Sabteka.
Raema in hua-koet tas, Syeba nol Dedan.
8Kus ana biklobe la, mo Nimrod. Un nam mo meo in hote-dati man muun isi. 9Un in muun isi ka maa deng AMA LAMTUA. Un kon daid atuil in lono-poa hmukit man muun isi. Undeng na le taom atulis aa noan, “Nang le ku daid atuil in lono-poa hmukit man muun isi banansila el Nimrod, man haup un in muun-tes sa deng AMA LAMTUA.” 10Hmunan nu un dale ka mulai deng Babel, Erek Akad, nol Kalne. Nias totoang muik ne Sinear.#10:10: Sinear na mo, Babel ngaal didang nga. Halas ni maan na, ne Iran nol Irak. 11Deng na, un kuasa taplaeng Asyur. Hidi kon un bangun-pii kota Niniwe, Rehobot-Ir, Kala, 12nol Resen, man in ne Niniwe nol Kala hlala ka ka. Totoang kota nias, kota-kota tene.
13Misraim in hua-koet tas, atuli-atuil Ludim, Anamim, Lehabim, Naftuhim, 14Patrusim, Kasluhim nol Kaftorim. Atuil Kasluhim mas, atuil Filistin nas upu kia-kaons.
15Kana'an ana hmunan na, mo Sidon. Kana'an kon daid upu kia-kaons deng atuli-atuil Het, 16Yebusi, Amori, Girgasi, 17Hiwi, Arki, Sini, 18Arwadi, Semari nol Hamati las.
Kana'an in hitu-hoen nas his-hoeng lakos kata-katang, 19didiin oen dale kas toon na, mulai deng Sidon lako Gerar, napiut lako pes se Gasa. Deng na napiut lako Sodom, Gomora, Adma, nol Seboim, le pes se Lasa.
20Oen totoang nam mo, Ham in hua-koet. Mesa-mesam nonool oen dasi-dehet esan, oen ngalan esan, nol oen dale esan.
Sem in hua-koet tas
21Yafet kaka Sem daid atuil Eber ras upu kia-kaons.#10:21: Muik atuil in tana deeh tek noan, Eber na mo ‘Ibrani’.
22Sem in hua-koet tas, mo Elam, Asyur, Arpaksad, Lud nol Aram.
23Aram in hua-koet tas, mo atuli-atuil Us, Hul, Geter nol Mas sas.#10:23: Mas ngaal didang nga, ‘Mesek’.
24Arpaksad ana ka Sela. Sela ana ka Eber.
25Eber haup ana biklobe at dua. Hmunan na un ngali ngala Pelek, (man nahin na noan, bakisa-bakisan), undeng dedeng na, atuli li bakisan nol apa se apan-kloma kia. Un palin na, ngala Yoktan.
26Yoktan in hua-koet tas, mo Almodad, Selef, Hasar-Mawet, Yera, 27Hadoram, Usal, Dikla, 28Obal, Abimael, Syeba, 29Ofir, Hawila nol Yobab. Oen totoang niam, Yoktan in hua-koet sii.
30Oen maan in dada ka, kilan deng Mesa napiut lako lius se Sefar, man nas leten-leten ne suu halin leol-saken.
31Oen totoang nam, Sem in hua-koet. Mesa-mesam nonool un dasi-dehet, ngala, nol dale esan.
32Nas totoang Noh in hua-koet, mesa-mesam nonool un ngala esa. Nikit ui in baa tene ka kuhit kon nam, oen nias man holhising le inu apan-kloma kia.
Избрани в момента:
Dehet deng Apan-kloma ki in Dadi ka 10: heg
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
© 2011, Wycliffe Bible Translators, Inc. All rights reserved.