Популярни библейски стихове от Génesis 6

Споделяне

Eni ga wotjl̈ĩk ga «Nopga shäryoror l̇l̇ëm kjwe dey, bangyo ara bor pjl̈úshko» l̈e.

Ĩya Jehovárë ga nopga l̈öng l̇l̇ëbo owa shäryë ara anmoyõ, ga wotjl̈ĩk owa erä.

Gueniyo ga domer shäng kjl̈ara ko Noé. Jehová wopjl̈ú ba tjok.

Ëre l̇l̇ëye shäryara Noérë dö l̈i kjibokwoyo. E domer pjl̈o bek, pogo l̇l̇ëye dret Sbö bokso. L̇l̇ëye woyde Sbörë l̈i shärye eni, ga jëk shäng ba tjok ĩyado. Nopga obl̈ë obl̈ë omshäryono eni l̇l̇ëm, Noé eröe.

Ga tjl̈ẽ ga «Nopga shäryoror tjeng kl̈ung kjing ëre kjër jũshko dwayo. Shäryër öng, äya kjl̈oshko so, sënwa tjok eni bakoe. Woyotjl̈ĩn ga shäryoror l̇l̇ëm kjwe dey» l̈e.

Nopga, e wapga shdöktong träk l̇l̇ëm kjok ëre kjing goshko. Ga wapga wal̈ëga kjong kjong wol̈ësowa. E kjĩshko ga Sbö wapga orkwosmono wal̈ëga woyde kjone dey l̈i tjok. Eni ga Jehová tjl̈ẽ ga «Nopga, e iër ber l̈öng së ĩyado l̇l̇ëm, e wol̈on wl̈o kjĩshko. Eni ga iër ber l̈öng së l̈u pjl̈ogl̈o sak dbäw kjingsho sak pjök (120) eröe» l̈e. Sbö wapga orkwosmono wal̈ëga kjok ëre so tjokshko ga wapga weno sok këskës, obl̈ë kjinmo. Ga nopga tjwl̈õ ara tek dënashko so l̈i epga.

L̇l̇ëye l̈ara ba kong l̈i shäryara Noérë uunkong eni.

E kjĩshko ga Sbö tjl̈ẽ Noé kong ga «Tja wotjl̈ĩk nopga pjik uunkong l̈ër. L̈öng ëngkjwë ara ëng tjok. L̈öng l̇l̇ëbo owa shäryë erä. E kjĩshko ga e pjir ber dret, l̇l̇ëbo tjeng kl̈ung ëre kjing go l̈i tjok.

»Eni ga kjorkwang wl̈ẽs pjl̈ú, owa l̇l̇ëm wl̈eniyo, ga kjyong shäryos kjl̈ara kësbange. Kjyong bängyos pjir kjoko, ro l̈ëkong bako, di opzrëk l̇l̇ëm wl̈o.

Ga ĩya Sbörë ga kl̈ung ëre kjing go l̇l̇ëbo owa ara, nopga ëngkjwë ara ëng tjok, l̇l̇gwega ërë l̇l̇ëme. Nopga l̈öng kës l̈i beno l̈öng l̇l̇ëbo owa shäryë eröe.

»Öng, äya kjl̈oshko so, sënwa, e l̈öng kjok ëre kjing go kës l̈i, e jem sös pjök pjök, wl̈ënggl̈a kjl̈ara kjl̈ara, popga kjl̈ara kjl̈ara, kjer l̇l̇ëm wl̈o. Woydër ga ber l̈öng së, pjãy dik.