Популярни библейски стихове от VAKATEKIVU 4

Споделяне

Kevaka sa vinaka na nomu i madrali, o na mata mamarau tiko; ia me vaka na nomu sa caka cala, sa wawa koto na i valavala ca e mata ni nomu katuba me vakacacani iko. Sa vinakata me lewai iko, ia mo vakamalumalumutaka ga.”

Sa sucu e dua na gonetagane na luve i Seci, ka vakatoka me yacana o Inosi. Mai na gauna o ya, era sa tekivu vakayagataka kina na yaca tabu i Jiova na tamata ena nodra sokalou.

A sa tarogi Keni ko Jiova ka kaya, “Sa evei o Epeli na tacimu?” Sa qai sauma o Keni ka kaya, “Au sega ni kila, oi au beka na i vakatawa kei taciqu?”

A sa qai kaya ko Jiova, “A cava o sa vakayacora kina na ka oqo? Na dra i tacimu sa tagici au mai na qele, me vaka na domona e dua sa via sauma lesu na ka sa vakayacori vua.

Ia sa kaya lesu vua ko Jiova, “E sega. Kevaka e dua sa vakamatei iko, ena saumi lesu vakavitu vua na nona cala.” Ena ka oqo, a sa biuta kina vei Keni ko Jiova e dua na i vakatakilakila me kakua kina ni dua e vakamatei koya kevaka sa kunei koya.