Популярни библейски стихове от यूहन्ना 15

Споделяне

मय हर दाखलता हो: तुमन मन डंगाल हवा; जेहर मोर मे बने रहथे, अउ मय हर ओमे, ओहर ढेरेच फरथे, काबर कि मोर ले अलग होए के तुमन मन कुछ भी नी कईर सकथा।

तुमन मन मोर मे बने रहा जईसन डंगाल अगर दाखलता मे बने नी रही त अपन आप नी फईर सकही, ओहिच कस ही तुमन मन भी अगर मोर मे बने नी रहिया त नी फईर सकथे।

अगर तुमन मन मोर मे बने रईहा, अउ मोर बचन हर तुमन मन मे बने रही त जेला चईहा मांगा अउ ओहर तुमन बर होए जाही।

तुमन मन मोला नी चुने हा, लेकिन मय हर तुमन मन ला चुने हो अउ तुमन मन ला ठहराए कि तुमन मन जाए के फर लाना, अउ तुमन मन कर फर हर बने रही, कि तुमन मन मोर नाव ला जे कुछ ला दाऊ ले मांगिहा ओहर तुमन मन ला देही।

एकर ले बड़खा प्रेम काकरो नी है, कि कोनो अपन संगता मन बर अपन प्रान देही।

जे डंगाल हर मोर मे है अउ नी फरे ओला ओहर छाटथे ताकि अउ फरे।

मोर हुकूम ये है, कि जईसन मय हर तुमन मन ले प्रेम रखे ओहिच कस तुमन मन भी एक दूसर ले प्रेम रखा।

मोर दाऊ कर महिमा एकरे ले होथे कि तुमन मन ढेर अकुन फर लाना तब तुमन मन मोर चेला ठहरहिया।

सहिच कर दाखलता मैहर हर हो, मोर दाऊ हर किसान है।

अगर कोनो मोर मे बने नी रही त ओला डंगाल कर नियर फेक देहल जाही, अउ सुईख जाथे, अउ मैनसे मन ओला बटोएर के आगी बाएर देथे अउ ओहर जईर जाथे।

मय हर ये गोएठ ला तुमन मन ले एकरे बर कहे हो कि मोर आनन्द तुमन मन मे बने रहे, अउ तुमन मन कर आनन्द पूरा होए जाही।

अगर तुमन मन मोर आदेश ला मानहिया त मोर प्रेम मे बने रईहा, जेकस कि मय अपन दाऊ कर हुकूम ला माएन लेहे हो, अउ ओकर प्रेम मे बने रहथो।

ये गोएठ कर हुकूम मैहर तुमन मन ला एकरे बर देहत हो कि तुमन मन एक दूसर ले प्रेम रखिहा।

अगर तुमन मन संसार कर रहता त संसार अपन मन ले प्रेम रखतिस, लेकिन ये कारन कि तुमन मन संसार कर भी नही, बरन मैहर तुमन मन ला संसार मे ले चुईन लेहे हो, एकरे बर संसार हर तुमन मन ले बैर रखथे।