Популярни библейски стихове от Иоанн 17

Споделяне

ХӀакъаб къудраталдалъун дуца гьал дуе хъулухъалъе ратӀа гьаре. Дур рагӀи хӀакъаб буго.

Абадияб гӀумру ккола ХӀакъав ва Цогояв Аллагь мунги ва дуца витӀарав МасихӀ ГӀисаги лъай.

ЦохӀо гьазул рахъалъ гуребги, гьазул рагӀудалъун диде иман лъезе бугелщиназул рахъалъги гьарулеб буго дица: Я, дир Эмен, гьал цолъун рукӀаги мун дилъ вугев гӀадин, – дун дулъ вугев гӀадин, гьалги нилъелъ рукӀине риччанте, – дун дуца витӀун вукӀиналда гӀалам божизе.

Гьаб гӀаламалда гьоркьоса гьал нахъе рачейилан гуро гьарулеб бугеб, гьанир гьал илбисалдаса цӀунеян гьарулеб буго дица.

Дуца дие кьураб машгьурлъи дица гьазиеги кьуна. Дунги Мунги гӀадин цолъун рукӀине риччанте гьалги. Дун гьазулъ вукӀина, мун дилъги вукӀина, риччанте гьал тӀубанго цоцалъ цолъун рукӀине ва гьелдалъун гӀаламалда лъазе дун дуца витӀун вукӀаравлъиги ва дун гӀадин дуе гьал рокьулеллъиги.