Популярни библейски стихове от Иоанн 15

Споделяне

Дун ккола цӀолбол гъабу, нуж ккола гьелъул чӀорал. Гьев чи дилъ вугони, дун гьесулъги вугони, гьеб чӀоралда тӀад гӀемераб цӀибил бижила. Дидаса ратӀалъун нужеда щибниги гьабизе кӀоларелъул.

Нуж дилъ рукӀа, дун нужелъги вукӀина. Гъабудаса къунцӀараб чӀоралда цӀибил бижулареб гӀадин, дилъ рукӀинчӀони, нужедасаги щибго пайда букӀинаро.

Нуж дилъ ругони, дир рагӀабиги нужелъ хутӀани, гьебмехалъ нужеца гьарарабщинаб лъугьина.

Дун нужеца тӀаса вищичӀо, дица нуж тӀаса рищана ва ритӀана, гъабул чӀоралда тӀад цӀибил гӀадин, пайда цӀикӀкӀинабизеги, гьеб абадиялъго хутӀизеги, дир цӀар рехсон гьарарабщинаб дир Инсуца нужее кьезеги.

Гьудулзабазе гӀоло жиндирго рухӀ кьолев чиясулалдаса кӀудияб рокьи букӀунаро ракьалда.

ТӀад цӀибил бижуларел дир чӀорал гьес къунцӀун нахъе рехула. ЦӀибил бижулел чӀорал гьес кӀурула, гьезда тӀад дагьабги цӀикӀкӀун цӀибил бижизе.

Гьале нужее дир амру: дие нуж рокьулел гӀадин, рокье нуж цоцазеги.

ЛъикӀаб гъабуда цӀибил цӀикӀкӀун бижулеб гӀадин, нужедаса пайдаги цӀикӀкӀани ва нуж дир унго-унгоял муридаллъунги ругони, дир Инсул машгьурлъи цӀикӀкӀина.

ГӀисаца абуна: – ХӀакълъунго дун ккола цӀолбол гъабу. Дир Эменги ккола ахикь гьеб чӀарав ахихъан.

Амма гьев чи дилъ гьечӀони, цӀолбол гъабуялдаса къунцӀараб чӀор гӀадин, нахъе рехула гьев. Ахикьа ракӀарун цӀадаре ран рухӀула гьединал чӀорал.

Дица гьаб кинабго нужеда бицунеб буго, дир бугеб рохел кидаго нужераблъун хутӀизе ва нужер рохел киданиги тӀаса камунгутӀизе.

Дирго Инсул амру дица тӀубазабидал, гьесул рокьи дидаса тӀолеб гьечӀеб гӀадин, дир амру нужеца тӀубазабуни, дир рокьиги тӀезе гьечӀо нужедаса.

Гьале нужее дир амру: цоцазе рокьа нуж.

Гьаб гӀаламалда релълъарал нуж рукӀаралани, нилъерго чагӀийин абун рокьилаан нужги гьезие. Гьезие нуж рокьуларо, гьезда релълъаралги гьечӀелъул ва дица нуж гьезда гъорлъа тӀаса рищунги ругелъул.